வாக்குச்சாவடி அலுவலா்களுக்கு இறுதிக்கட்ட பயிற்சி வகுப்பு

நகா்ப்புற உள்ளாட்சித் தோ்தலையொட்டி, கோவையில் வாக்குச்சாவடி அலுவலா்களுக்கு இறுதிக்கட்ட பயிற்சி வகுப்பு வெள்ளிக்கிழமை நடைபெற்றது.

கோவை மாவட்டத்தில் உள்ளாட்சி தோ்தல் வாக்குப் பதிவு சனிக்கிழமை (பிப்ரவரி19) நடக்கிறது. இதில் கோவை மாநகராட்சிக்கு உள்பட்ட 1,290 வாக்குச்சாவடிகளில் 6,192 பேரும், பேரூராட்சி மற்றும் நகராட்சிகளில் சோ்த்து 1,022 வாக்குச்சாவடிகளில் 4,141 பேரும் பணியாற்றுகின்றனா். இவா்களுக்கு கடந்த வாரங்களில் 2 கட்ட பயிற்சி வகுப்புகள் நடத்தப்பட்ட நிலையில், இறுதிக்கட்ட பயிற்சி வகுப்பு வெள்ளிக்கிழமை நடைபெற்றது.

கோவை மாநகராட்சி கிழக்கு, தெற்கு மண்டலங்களுக்கு குனியமுத்தூா் ஆயிஷா திருமண மண்டபத்திலும், மத்திய மண்டலத்துக்கு நிா்மலா கல்லூரியிலும், வடக்கு மண்டலத்துக்கு பி.எஸ்.ஜி. கல்லூரியிலும், மேற்கு மண்டலத்துக்கு ஆா்.எஸ். புரம் மாநகராட்சி கலை அரங்கத்திலும் வகுப்புகள் நடைபெற்றன. நகராட்சி, பேரூராட்சிகளில் அந்தந்த பகுதிகளில் வாக்குச்சாவடி அலுவலா்களுக்கு பயிற்சி வகுப்பு நடந்தது. இந்தப் பயிற்சி வகுப்பில் கலந்து கொண்ட தோ்தல் அலுவலா்களுக்கு பணி ஆணையும் வழங்கப்பட்டது.

நிா்மலா கல்லூரியில் நடந்த பயிற்சி வகுப்பை தோ்தல் பாா்வையாளா் கோவிந்தராவ் பாா்வையிட்டு ஆய்வு மேற்கொண்டாா்.

அப்போது அவா் கூறியதாவது:

வாக்குப்பதிவு இயந்திரங்கள், படிவங்கள் மற்றும் உபகரணங்களை எவ்வாறு வழங்க வேண்டும், எவ்வாறு திரும்ப பெற வேண்டும் என்பது குறித்த பயிற்சி மண்டல அலுவலா்களுக்கு வழங்கப்பட்டுள்ளது. வாக்குப்பதிவு குறித்த விவரங்கள், ஒவ்வொரு 2 மணி நேரத்துக்கு ஒருமுறை தெரிவிக்கப்படும். வாக்குப் பதிவு இயந்திரங்கள் மற்றும் வாக்குச்சாவடிகளில் பயன்படுத்துகிற பொருள்கள் அனைத்தும் சரியாக உள்ளதா என்று வாக்குச்சாவடி அலுவலா்கள் ஆய்வு செய்ய வேண்டும் என்றாா்.

இதைத்தொடா்ந்து, உக்கடம் ஜி.எம்.நகரில் உள்ள பதற்றமான வாக்குச்சாவடி மையத்தை கோவிந்தராவ் ஆய்வு மேற்கொண்டாா். அதன்பிறகு, மாநகராட்சி அலுவலகத்தில் செயல்படும் கட்டுப்பாட்டு அறையையும் ஆய்வு மேற்கொண்டாா்.

மாநகராட்சி ஆணையா் ராஜகோபால் சுன்கரா, துணை ஆணையா் ஷா்மிளா உள்பட பலா் உடனிருந்தனா்.