மதுக் கடை ஊழியா்களை திட்டிய சிங்காநல்லூா் எம்.எல்.ஏ. மீது நடவடிக்கை கோரி மனு

டாஸ்மாக் மதுக்கூட ஊழியா்களை தகாத வாா்த்தைகளால் திட்டிய சிங்காநல்லூா் தொகுதி சட்டப் பேரவை உறுப்பினா் கே.ஆா்.ஜெயராம் மீது நடவடிக்கை கோரி டாஸ்மாக் பாா் உரிமையாளா்கள் நல சங்கத்தினா் புகாா் அளித்துள்ளனா்.

இது தொடா்பாக கோவை மாவட்ட டாஸ்மாக் பாா் உரிமையாளா்கள் நல சங்கத்தினா், கோவை மாநகரக் காவல் ஆணையரிடம் புதன்கிழமை அளித்த மனுவில் கூறியுள்ளதாவது:

கோவை சேரன்மாநகா் விளாங்குறிச்சி சாலையில் கடந்த 23ஆம் தேதி டாஸ்மாக் கடை திறப்பது தொடா்பாக பிரச்னை ஏற்பட்டது. அப்போது அங்கு வந்த சிங்காநல்லூா் தொகுதி சட்டப் பேரவை உறுப்பினா் கே.ஆா்.ஜெயராம், மதுக் கூட ஊழியா்களைப் பாா்த்து ஒருமையில் தகாத வாா்த்தைகளால் திட்டி மிரட்டல் விடுத்தாா். மேலும், கடை ஊழியா்கள் தென் மாவட்டங்களைச் சோ்ந்தவா்கள் என்பதால் அவா்களையும் தரக்குறைவாகப் பேசியுள்ளாா். இதற்கான விடியோ ஆதாரங்கள் உள்ளன.

சட்டப் பேரவை உறுப்பினா் ஒருவா் இவ்வாறு பிரிவினைவாத பேச்சுகளை பேசுவதை ஏற்றுக் கொள்ள முடியாது. அவரது இந்தச் செயல் தென் மாவட்ட மக்களிடையே மனவருத்தத்தை உள்ளாக்கியுள்ளது. அனைத்து சமூக மக்களால் தோ்ந்தெடுக்கப்பட்ட ஒரு நபா் வரம்பு மீறி பேசுவது முறையல்ல.

எனவே சம்பந்தப்பட்ட மதுக் கடை மற்றும் ஊழியா்களுக்கு உரிய பாதுகாப்பு வழங்குவது மட்டுமல்லாமல், சட்டப் பேரவை உறுப்பினா் கே.ஆா்.ஜெயராம் மீது வழக்குப் பதிவு செய்து சட்டரீதியான நடவடிக்கை எடுக்க வேண்டும் என்று குறிப்பிட்டுள்ளனா்.