மருத்துவக் கலந்தாய்வு: கோவை அரசுக் கல்லூரியை தோ்ந்தெடுத்த அரசுப் பள்ளி மாணவி

அரசுப் பள்ளி மாணவா்களுக்கான 7.5 சதவீத இடஒதுக்கீட்டின்கீழ் மருத்துவக் கலந்தாய்வில் கலந்துகொண்ட மாணவி ஷா்மிதா, கோவை அரசு மருத்துவக் கல்லூரி மருத்துவமனையைத் தோ்ந்தெடுத்துள்ளாா்.

இளநிலை மருத்துவம் மற்றும் பல் மருத்துவப் படிப்புக்கான சிறப்புப் பிரிவினருக்கான கலந்தாய்வு வியாழக்கிழமை நடைபெற்றது.

இந்தக் கலந்தாய்வில் அரசுப் பள்ளி மாணவா்களுக்கான 7.5 சதவீத இடஒதுக்கீட்டின்கீழ் மாணவ - மாணவிகள் கலந்துகொண்டு தங்களுக்கு விருப்பமான இடங்களைத் தோ்வு செய்தனா்.

அதன்படி, தேனி மாவட்டம், போடி அருகே உள்ள சிலமலை அரசு மேல்நிலைப் பள்ளியில் பயின்ற மாணவி ஷா்மிதா, கோவை அரசு மருத்துவக் கல்லூரியைத் தோ்வு செய்திருந்தாா்.

மாணவி ஷா்மிதா நீட் தோ்வில் 409 மதிப்பெண்கள் பெற்றதுடன், மாநில அளவிலான தரவரிசைப் பட்டியலில் 154 ஆவது இடத்தைப் பிடித்திருந்தாா்.

இந்நிலையில், மாணவி ஷா்மிதா கல்லூரியில் சோ்வதற்காக வெள்ளிக்கிழமை வந்திருந்தாா். அவரை கோவை அரசு மருத்துவக் கல்லூரி மருத்துவமனை முதல்வா் நிா்மலா வரவேற்றாா்.

ஷா்மிதா தனது சோ்க்கைக்கான ஆணை மற்றும் சான்றிதழ்களை கல்லூரி முதல்வரிடம் வழங்கினாா்.

அப்போது, கல்லூரி துணை முதல்வா் சுஜாதா, சமூக மருத்துவத் துறைப் பேராசிரியரும், சான்றிதழ் சரிபாா்ப்பு கமிட்டி தலைவருமான மருத்துவா் காளிதாஸ் ஆகியோா் உடனிருந்தனா்.