கோவை - திருப்பதி ரயில் வாரத்துக்கு 4 நாள்களுக்கு நிரந்தரமாக இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.
இது தொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு:
கோவை - திருப்பதி இடையே செவ்வாய்க்கிழமைகளில் மட்டும் இயக்கப்பட்டு வந்த ரயிலானது, வாரத்துக்கு 4 நாள்கள் நிரந்தரமாக இயக்கப்பட உள்ளது. அதன்படி, கோவை - திருப்பதி விரைவு ரயில் (எண்: 22616) செவ்வாய்க்கிழமை, வியாழக்கிழமை, வெள்ளிக்கிழமை, ஞாயிற்றுக்கிழமைகளில் காலை 6.10 மணிக்குப் புறப்பட்டு, அதே நாள்களில் பிற்பகல் 1.20 மணிக்கு திருப்பதியைச் சென்றடையும். திருப்பதி - கோவை ரயில் (எண்: 22615) திங்கள்கிழமை, புதன்கிழமை, வியாழக்கிழமை, சனிக்கிழமைகளில் பிற்பகல் 3 மணிக்கு திருப்பதியில் புறப்பட்டு, அதேநாள் இரவு 10.45 மணிக்கு கோவை வந்தடையும். இந்த ரயிலானது, திருப்பூா், ஈரோடு, சேலம், ஜோலாா்பேட்டை, காட்பாடி உள்ளிட்ட ரயில் நிலையங்களில் நின்று செல்லும் என தெரிவிக்கப்பட்டுள்ளது.