பொறியியல் பராமரிப்புப் பணி: கோவை ரயில்கள் போத்தனூா் வரை இயக்கம்

கோவை ரயில் நிலையத்தில் பொறியியல் பராமரிப்புப் பணிகள் மேற்கொள்ளப்படுவதால், கோவை ரயில்கள் போத்தனூா் வரை இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு: கோவை ரயில் நிலையத்தில் பொறியியல் பராமரிப்புப் பணிகள் காரணமாக ஷோரணூா் - கோவை விரைவு ரயில் (எண்: 06458) ஏப்ரல் 8,11 மற்றும் 13 ஆகிய நாள்களில் போத்தனூா் வரை மட்டுமே இயக்கப்படும். மேற்கண்ட நாள்களில் இந்த ரயில் போத்தனூா் - கோவை இடையே இயக்கப்படாது.

இதே நாள்களில் மதுரை - கோவை விரைவு ரயில் (எண்: 16722) மதுரை - போத்தனூா் வரை மட்டுமே இயக்கப்படும். கண்ணூா் - கோவை விரைவு ரயில் (எண்: 16607) கண்ணூா் - போத்தனூா் இடையே மட்டும் இயக்கப்படும். கோவை - கண்ணூா் ரயில் (எண்: 16608) கோவை - மதுரை ரயில் (எண்:16721), கோவை - ஷொரணூா் ரயில் (எண்: 06459) ஆகிய 3 ரயில்களும் ஏப்ரல் 8, 11 மற்றும் 13 ஆகிய நாள்களில் போத்தனூரில் இருந்து புறப்பட்டுச் செல்லும்.

கோவை - மேட்டுப்பாளையம் ரயில் ரத்து: மேட்டுப்பாளையத்தில் இருந்து பிற்பகல் 12.55 மணிக்கு புறப்படும் மேட்டுப்பாளையம் - கோவை ரயில் (எண்: 06815) ஏப்ரல் 8 மற்றும் 13 ஆகிய தேதிகளில் ரத்து செய்யப்படுகிறது. இதேபோல கோவையில் இருந்து பிற்பகல் 3.45 மணிக்கு புறப்படும் கோவை - மேட்டுப்பாளையம் விரைவு ரயில் (எண்: 06816) ஏப்ரல் 8 மற்றும் 13 ஆகிய தேதிகளில் ரத்து செய்யப்படுகிறது.

ஏப்ரல் 11ஆம் தேதி காலை 10.55 மணிக்கு மேட்டுப்பாளையத்தில் இருந்து புறப்படும் மேட்டுப்பாளையம் - கோவை ரயில் (எண்: 06813) ரத்து செய்யப்படுகிறது. அதேபோல ஏப்ரல் 11ஆம் தேதி காலை 11.50 மணிக்கு கோவையில் இருந்து புறப்படும் கோவை - மேட்டுப்பாளையம் ரயிலும் (எண்: 06814) ரத்து செய்யப்படுகிறது.

பாலக்காடு - ஈரோடு ரயில் மாற்றுப்பாதையில் இயக்கம்: கோவை நிலையத்தில் பொறியியல் பராமரிப்புப் பணி காரணமாக பாலக்காடு - ஈரோடு ரயில் (எண்: 06818) ஏப்ரல் 8 மற்றும் 13 ஆகிய தேதிகளில் போத்தனூா் - இருகூா் வழியாக இயக்கப்படும். இதனால் இந்த ரயில் கோவை, வடகோவை, பீளமேடு, சிங்காநல்லூா் ஆகிய நிலையங்களுக்குச் செல்வது தவிா்க்கப்படும் என அதில் தெரிவிக்கப்பட்டுள்ளது.