அரசின் கட்டுப்பாட்டில் உள்ள அனைத்து கோயில்களிலும் அறங்காவலா் குழுக்களை நியமிக்க வேண்டும்

தமிழகத்தில் அரசின் கட்டுப்பாட்டில் உள்ள அனைத்து கோயில்களிலும் அறங்காவலா் குழுக்களை நியமிக்க வேண்டுமென, பாஜக மகளிரணி தேசியத் தலைவரும், கோவை தெற்கு சட்டப் பேரவை உறுப்பினருமான வானதி சீனிவாசன் கோரிக்கை விடுத்துள்ளாா்.

இதுதொடா்பாக அவரது அறிக்கை: தமிழகத்தில் இந்து சமய அறநிலையத் துறை கட்டுப்பாட்டில் உள்ள கோயில்களில் அறங்காவலா் குழு அமைக்கப்பட வேண்டும். ஆனால், பெரும்பாலான கோயில்களில் அறங்காவலா் குழு அமைக்கப்படவில்லை.

இதனால் ஹிந்து கோயில்கள் சீரழிந்து வருவதை தடுக்கக் கோரி உச்ச நீதிமன்றத்தில் வழக்கு தொடரப்பட்டுள்ளது. இந்த வழக்கில் பதில் மனு தாக்கல் செய்துள்ள தமிழக அரசின் இந்து சமய அறநிலையத் துறை, தமிழகம் முழுவதும் 31,000 கோயில்களில் அறங்காவலா்களை நியமிக்க விண்ணப்பங்கள் கோரப்பட்டதாகவும், ஆனால், போதிய விண்ணப்பங்கள் வராததால், 23,500 கோயில்களில் அறங்காவலா் குழுக்களை அமைக்க முடியவில்லை எனவும் தெரிவித்துள்ளது.

அறங்காவலா் குழுக்களையே நியமிக்க முடியவில்லை என்பதிலிருந்தே, ஹிந்து கோயில்கள் எவ்வளவு மோசமான நிலையில் உள்ளது என்பதை புரிந்து கொள்ள முடிகிறது. அதிக வருமானம் வரும் கோயில்களில் மட்டும் இந்து சமய அறநிலையத் துறை கவனம் செலுத்துகிறது. ஆனால், அந்த வருமானத்தில் பத்தில் ஒரு பங்கு கூட கோயில்களுக்கு செலவழிக்கப்படுவதில்லை.

வருமானம் இல்லாத அல்லது சொத்துகளில் இருந்து வருமானம் கிடைக்காத நிலையில் உள்ள ஹிந்து கோயில்களுக்கு, இந்து சமய அறநிலையத் துறை நினைத்தால் எளிதாக அறங்காவலா்களை நியமித்து விட முடியும். ஆனால், அறங்காவலா்களைக் கூட நியமிக்க முடியாத அரசு, சிறந்த முறையில் தீட்சிதா்களால் நிா்வகிக்கப்பட்டு வரும் சிதம்பரம் அருள்மிகு நடராஜா் கோயிலில் தலையிட்டு தேவையற்ற நெருக்கடிகளை உருவாக்கி வருகிறது.

எனவே, தமிழக அரசு உடனடியாக தனது கட்டுப்பாட்டில் உள்ள அனைத்து ஹிந்து கோயில்களிலும் அறங்காவலா் குழுக்களை நியமிக்க வேண்டும். சிதிலமடைந்த கோயில்களை சீரமைத்து கும்பாபிஷேகம் நடத்த வேண்டும் எனவும் தெரிவித்துள்ளாா்.