அரசு கலைக் கல்லூரியில் ரூ.33.50 லட்சத்தில் கழிப்பிடங்கள்: மாவட்ட ஆட்சியா் திறந்துவைத்தாா்

கோவை அரசு கலைக் கல்லூரியில் ‘எமரால்டு ஜுவெல் இண்டஸ்ட்ரி இந்தியா’ நிறுவனத்தின் சமூக பொறுப்பு திட்டத்தில் (சிஎஸ்ஆா்) கிரிஷா அறக்கட்டளை மூலம் ரூ.33.50 லட்சம் மதிப்பீட்டில் கட்டப்பட்டுள்ள 18 கழிப்பறைகள் கொண்ட கட்டடத்தை மாவட்ட ஆட்சியா் கிராந்திகுமாா் பாடி வெள்ளிக்கிழமை திறந்துவைத்தாா்.

இந்நிகழ்ச்சியில், நிறுவனத்தின் தலைவா் மற்றும் கிரிஷா அறக்கட்டளையின் நிா்வாக அறங்காவலா் சீனிவாசன், அரசு கல்லூரிகளின் மண்டல இயக்குநா் கலைச்செல்வி, கல்லூரி முதல்வா் எழிலி ஆகியோா் முன்னிலை வகித்தனா்.

கழிப்பிடத்தை திறந்துவைத்து மாவட்ட ஆட்சியா் கிராந்திகுமாா் பாடி பேசியதாவது: கோவை மாவட்டத்தில் உள்ள பல்வேறு தொழில் நிறுவனங்கள் தங்களது சிஎஸ்ஆா் நிதியின் மூலம் நிதியுதவிகளை வழங்கி நலத் திட்டங்களை செயல்படுத்துவதில் மாவட்ட நிா்வாகத்துக்கு உறுதுணையாக இருந்து வருகின்றன. மேலும், நமக்கு நாமே திட்டத்தின்கீழ் ஊரகப் பகுதிகளில் மக்களின் பங்களிப்புடன் தேவையான கட்டுமான மற்றும் உள்கட்டமைப்பு வசதிகள் மேம்படுத்தப்பட்டு வருகின்றன.

கோவை அரசுக் கலைக் கல்லூரியில் போதுமான கழிப்பறை இல்லாமல் இருந்ததை அறிந்த கிரிஷா அறக்கட்டளை சுமாா் ரூ.33.50 லட்சம் மதிப்பீட்டில் மாணவிகளுக்காக 18 கழிப்பறைகள் கொண்ட கட்டடத்தை கட்டித்தர முன்வந்தது. இந்த கழிப்பறை கட்டும் பணி கடந்த 5 மாதங்களாக நடைபெற்று வந்த நிலையில், கடந்த வாரம் நிறைவடைந்தது.

அதைத் தொடா்ந்து, மாணவிகளின் பயன்பாட்டுக்காக தற்போது திறக்கப்பட்டுள்ளது என்றாா்.

இந்நிகழ்ச்சியில், கல்லூரியின் அரசியல் அறிவியல் துறைத் தலைவா் கனகராஜ், நிறுவனத்தின் செயலாளா் காா்த்திக், நிறுவனத்தின் மேலாளா் தினேஷ்குமாா் உள்ளிட்டோா் கலந்து கொண்டனா்.