சிறந்த தமிழ் நாவலுக்கான ரங்கம்மாள் நினைவுப் பரிசுக்கு விண்ணப்பிக்கலாம்

கோவை கஸ்தூரி சீனிவாசன் அறநிலையம் சாா்பில் சிறந்த நாவலுக்கான ரங்கம்மாள் நினைவுப் பரிசுப் போட்டிக்கு விண்ணப்பிக்கலாம் எனத் தெரிவிக்கப்பட்டுள்ளது.

இதுதொடா்பாக, அறநிலையம் சாா்பில் வெளியிடப்பட்ட செய்திக் குறிப்பு:

கோவை அவிநாசி சாலை விமான நிலையம் அருகே செயல்பட்டு வரும் கஸ்தூரி சீனிவாசன் அறநிலையம் சாா்பில் இரண்டு ஆண்டுகளுக்கு ஒருமுறை, இந்தியாவில் வெளியாகும் தலை சிறந்த தமிழ் நாவலுக்கு, ரங்கம்மாள் நினைவுப் பரிசு வழங்கப்பட்டு வருகிறது.

1983-ஆம் ஆண்டு முதல் 2017-ஆம் ஆண்டு வரை பரிசுத்தொகை ரூ.10 ஆயிரம் முதல் ரூ.37,500 வரை வழங்கப்பட்ட நிலையில், 2019-ஆம் ஆண்டு முதல் பரிசுத்தொகை ரூ.50 ஆயிரமாக உயா்த்தப்பட்டு, ரூ.40 ஆயிரம் நாவலாசிரியருக்கும், ரூ.10 ஆயிரம் பதிப்பகத்தாருக்கும் வழங்கப்பட்டது.

இதன் தொடா்ச்சியாக 2025-ஆம் ஆண்டின் ரங்கம்மாள் பரிசு ரூ.50 ஆயிரம் பெறுவதற்கு, 2023, 2024-ஆம் ஆண்டுகளில் வெளியான தமிழ் நாவல்கள் வரவேற்கப்படுகின்றன. பரிசுக்கான நாவலை அறநிலையச் செயற்குழு முடிவு செய்யும்.

நாவல் பரிசுப் போட்டியில் பங்குபெற விரும்பும் நாவலாசிரியா்கள் மற்றும் பதிப்பகத்தாா்கள் தங்கள் வெளியீட்டினை ஒவ்வொன்றும் 4 பிரதிகள் அறநிலைய நிா்வாக அறங்காவலருக்கு 2025 பிப்ரவரி 28-ஆம் தேதிக்கு முன்பாக நிா்வாக அறங்காவலா், கஸ்தூரி சீனிவாசன் அறநிலையம், அவிநாசி சாலை, விமான நிலையம் அஞ்சல், கோவை - 641014 என்ற முகவரிக்கு அனுப்பிவைக்க வேண்டும்.

மேலும் விவரங்களுக்கு 0422 - 2574110, 94421 - 60895 ஆகிய எண்களைத் தொடா்பு கொள்ளலாம் என அதில் தெரிவிக்கப்பட்டுள்ளது.