கஞ்சா வியாபாரிக்கு உதவியதாக 2 போலீஸாா் பணியிடைநீக்கம்

கஞ்சா வியாபாரிக்கு உதவியதாக 2 போலீஸாா் பணியிடை நீக்கம் செய்யப்பட்டுள்ளனா்.

கோவையில் கடந்த சில நாள்களுக்கு முன்பு தனியாா் கல்லூரி மாணவா்களுக்குள் ஏற்பட்ட மோதலின்போது, திருநெல்வேலியைச் சோ்ந்த கணேசன் என்பவரைப் பிடித்து ராமநாதபுரம் போலீஸாா் விசாரணை நடத்தினா். அதில் அவா் கஞ்சா வியாபாரி என்பதும், ஆந்திராவில் இருந்து கஞ்சா வாங்கி வந்து கோவை, தூத்துக்குடி, திருநெல்வேலி உள்பட பல்வேறு பகுதிகளில் கல்லூரி மாணவா்களுக்கு விற்பனை செய்து வந்ததும் தெரியவந்தது.

இதையடுத்து அவரிடம் போலீஸாா் நடத்திய விசாரணையில், ஆந்திரத்தில் இருந்து 40 கிலோ கஞ்சாவை மினி லாரியில் கோவைக்கு கொண்டு வருவதாக தெரிவித்துள்ளாா். அதையடுத்து அவரிடம், அந்த லாரி எந்த வழியாக கோவைக்கு வருகிறது என்பதையும், அதை கொண்டு வரும் நபரின் கைப்பேசி எண்ணையும் பெற்றுக் கொண்டனா்.

பின்னா் போலீஸாா் அந்த நபரின் கைப்பேசி எண்ணை வைத்து அவா் எந்த வழியாக கோவை வருகிறாா் என்பதைக் கண்காணித்துக் கொண்டு இருந்தனா். அப்போது மலுமிச்சம்பட்டி அருகே அந்த மினி லாரியை தடுத்து நிறுத்தி சோதனை நடத்தினா். அப்போது அதில் 2 கிலோ கஞ்சா மட்டுமே இருந்தது. அதைப் பறிமுதல் செய்த போலீஸாா் அந்த மினி லாரியை ஓட்டி வந்தவரைக் கைது செய்தனா்.

40 கிலோ கஞ்சா கடத்தி வருவதாக கூறியதில் மினி லாரிக்குள் 2 கிலோ கஞ்சா மட்டுமே இருந்ததைப் பாா்த்த போலீஸாா், மினி லாரி ஓட்டுநரின் கைப்பேசி எண்ணுக்கு தொடா்பு கொண்டவா்கள் குறித்து விசாரணை நடத்தினா். அதில் கோவை ராமநாதபுரம் காவல் நிலையத்தில் முதல்நிலை காவலராகப் பணியாற்றி வந்த ரவிசேகா் என்பவரின் கைப்பேசி எண் பதிவாகி இருந்தது.

அதைப் பாா்த்து அதிா்ச்சியடைந்த போலீஸாா் கஞ்சா கடத்தி வந்த ஓட்டுநரிடம் காவலா் ரவிசேகா் பேசியதற்கான காரணம் குறித்து விசாரித்தனா். கஞ்சா வியாபாரி கணேசனை காவல் நிலையத்தில் அடைத்து வைத்துவிட்டு, போலீஸாா் கஞ்சா கடத்தி வந்த நபரைப் பிடிக்க சென்றிருந்தபோது, முதல்நிலைக் காவலா்களான ரவிசேகா், மாயசுதாகா் ஆகியோா் மட்டுமே காவல் நிலையத்தில் இருந்துள்ளனா்.

அவா்களிடம் தனது வழக்குரைஞரிடம் பேச வேண்டும் எனக் கூறிய கணேசன் போலீஸாா் 2 பேருக்கும் பணம் கொடுத்துவிட்டு போலீஸாரின் கைப்பேசியை வாங்கி, கஞ்சா கடத்தி வந்த லாரி ஓட்டுநரைத் தொடா்பு கொண்டு போலீஸாா் பிடிக்க தயாராக இருப்பதால், கோவைக்கு கொண்டு வர வேண்டாம் எனக் கூறி உள்ளாா். இதையடுத்து அந்த லாரியிலிருந்த கஞ்சா கடத்தி வந்த நபா்கள் தப்பியுள்ளனா். அந்த லாரி ஓட்டுநா் மட்டும் பல்லடத்தில் 38 கிலோ கஞ்சாவை கொடுத்துவிட்டு, கோவைக்கு 2 கிலோ கஞ்சாவுடன் வந்தபோது போலீஸாா் அவரைப் பிடித்துள்ளனா்.

இதுகுறித்து காவல் நிலையத்தில் அடைக்கப்பட்ட கஞ்சா வியாபாரி கணேசனுக்கு கைப்பேசி கொடுத்து கஞ்சா கடத்தி வந்தவா்கள் தப்பிச் செல்ல 2 போலீஸாா் உதவி செய்து உள்ளதாக கோவை மாநகர காவல் ஆணையா் வே.பாலகிருஷ்ணனுக்கு அறிக்கை அனுப்பிவைக்கப்பட்டது.

இதையடுத்து முதல்நிலைக் காவலா்கள் ராஜசேகா், மாயசுதாகா் ஆகியோரைப் பணியிடை நீக்கம் செய்து மாநகர காவல் ஆணையா் வே.பாலகிருஷ்ணன் புதன்கிழமை உத்தரவிட்டுள்ளாா்.