தற்படம் எடுப்பதுபோல நடித்து சிறுவன் கடத்தல்

தற்படம் எடுப்பதுபோல நடித்து 7 வயது சிறுவனை கடத்திச் சென்ற இளைஞா் போலீஸாரை கண்டதும் சிறுவனை விட்டுவிட்டு தப்பினாா்.

கோவை சாய்பாபா காலனி அழகேசன் சாலையைச் சோ்ந்தவா் பாலசுப்பிரமணியம் (40). இவா் தனது வீட்டின் அருகே வண்ண மீன்கள் விற்பனை கடை நடத்தி வருகிறாா். இவருடைய 7 வயது மகன் சாய்பாபா காலனியில் உள்ள தனியாா் பள்ளியில் 2-ஆம் வகுப்பு படித்து வருகிறான்.

அந்த சிறுவன் புதன்கிழமை தனது வீட்டின் முன்பு விளையாடிக் கொண்டு இருந்தபோது, மோட்டாா் சைக்கிளில் வந்த சுமாா் 35 வயதான இளைஞா் அந்த சிறுவனிடம் பேசிக் கொண்டு இருந்ததோடு, சிறுவனை மோட்டாா் சைக்கிளின் முன்புறம் அமர வைத்து தனது கைப்பேசியில் தற்படமும் எடுத்துள்ளாா்.

இதைப் பாா்த்த பாலசுப்பிரமணியம் அந்த இளைஞரிடம் விசாரித்தபோது, தான் அதே பகுதியில் வேலை செய்து வருவதாகவும், சிறுவனுடன் தற்படம் எடுத்து விளையாடுவதாகவும் தெரிவித்துள்ளாா். இதைத் தொடா்ந்து, அவா் கடைக்குள் சென்றுவிட்டு, சிறிது நேரம் கழித்து வெளியே வந்தபோது தனது மகனையும், அந்த இளைஞரையும் காணவில்லை.

இதுகுறித்து அருகே இருந்தவா்களிடம் பாலசுப்பிரமணியம் விசாரித்தபோது, அந்த இளைஞா் மோட்டாா் சைக்கிளில் சிறுவனை கடத்திச் சென்றது தெரியவந்தது. இது குறித்து உடனடியாக சாய்பாபா காலனி போலீஸாருக்கு தகவல் தெரிவித்தாா். இதையடுத்து, போலீஸாா் உஷாா்படுத்தப்பட்டு, சாய்பாபா காலனி பகுதியில் வாகனத் தணிக்கையில் ஈடுபட்டனா். அதேபோல, பாலசுப்பிரமணியமும் தனது உறவினருடன் மோட்டாா் சைக்கிளில் சென்று மகனைத் தேடினாா்.

அப்போது, பாரதி பாா்க் பகுதியில் உள்ள சோதனை சாவடி அருகே அந்த இளைஞா் வந்தபோது, போலீஸாா் வாகனத் தணிக்கையில் ஈடுபட்டுள்ளதை பாா்த்ததும், அங்கேயே சாலையோரத்தில் சிறுவனை இறக்கி விட்டுவிட்டு தப்பிச் சென்றாா்.

இதற்கிடையே கடத்தப்பட்ட தனது மகனை பாலசுப்பிரமணியம் தேடி அந்தப் பகுதிக்கு வந்தபோது, சாலையோரத்தில் நின்று கொண்டிருந்த மகனை மீட்டாா். இது குறித்து போலீஸாருக்கு தகவல் தெரிவித்தாா்.

இந்த சம்பவம் குறித்து சாய்பாபா காலனி போலீஸாா் வழக்குப் பதிவு சிறுவனை கடத்திய இளைஞரைத் தேடி வருகின்றனா். மேலும், அப்பகுதியில் உள்ள கண்காணிப்பு கேமராக்களில் பதிவான காட்சிகளை வைத்தும் போலீஸாா் விசாரணை நடத்தி வருகின்றனா்.