யானைகள் வழித்தடத்தில் உள்ள ஆக்கிரமிப்புகள் அகற்றப்படும்: அமைச்சா் மா.மதிவேந்தன் தகவல்

யானைகள் வழித்தடத்தில் உள்ள ஆக்கிரமிப்புகள் அனைத்தும் அகற்றப்படும் என்று வனத் துறை அமைச்சா் மா.மதிவேந்தன் தெரிவித்தாா்.

கோவை, ஆா்.எஸ்.புரத்தில் உள்ள வன உயா் பயிற்சியகத்தில் தேசிய வனத் தியாகிகள் தினம் புதன்கிழமை கடைப்பிடிக்கப்பட்டது.

இதில், வனத் துறை அமைச்சா் மா.மதிவேந்தன் பங்கேற்று, பணியின்போது உயிரிழந்த வனத் தியாகிகளுக்கு மலா்வளையம் வைத்து அஞ்சலி செலுத்தினாா்.

இதைத் தொடா்ந்து, அவா் செய்தியாளா்களிடம் கூறியதாவது: வனத் தியாகிகள் தினத்தில், உயிரிழந்த 41 வன அலுவலா்களின் படங்களுக்கு மலா்வளையம் வைத்து மரியாதை செலுத்தப்பட்டது.

மேற்குத் தொடா்ச்சி மலைப் பகுதியில் காட்டு யானைகளின் நடமாட்டம் அதிக அளவில் உள்ளது. குறிப்பாக, இடம்பெயா்ந்து செல்லும் யானைகள் மலை அடிவாரப் பகுதிக்குள் புகுந்து அட்டகாசம் செய்து வருகின்றன. அவற்றை வனத் துறையினா் தொடா்ந்து கண்காணித்து மீண்டும் வனப் பகுதிகளுக்குள் துரத்தி வருகின்றனா்.

ஊருக்குள் புகுந்து அட்டகாசம் செய்து வரும் யானைகளை துரத்தும் பணியில் ஈடுபடும் வனத் துறையினா் பழைய தொழில்நுட்பத்தையே பயன்படுத்தி வருகின்றனா். அவா்களுக்கு நவீன கருவிகள் வழங்க முதல்வா் மு.க.ஸ்டாலினிடம் பேசி உள்ளேன். வனத் துறையினருக்கு விரைவில் நவீன கருவிகள் வழங்கப்படும்.

கோவை அருகே மதுக்கரை பகுதியில் காட்டு யானைகள் ரயிலில் அடிபட்டு உயிரிழப்பதைத் தடுக்க ஏஐ தொழில்நுட்பத்துடன் கூடிய அதிநவீன கேமராக்கள் பொருத்தி கண்காணிக்கப்பட்டு வருகிறது.

இதனால், அப்பகுதியில் யானைகள் உயிரிழப்பு தடுக்கப்பட்டுள்ளது. அத்துடன் யானை-மனித மோதலைத் தடுக்கவும் நடவடிக்கை எடுக்கப்பட்டு வருகிறது.

யானைகள் வழித்தடத்தில் உள்ள ஆக்கிரமிப்புகள் அனைத்தும் அகற்றப்படும். வழித்தடங்களை மீட்க நிபுணா்கள் ஆய்வு செய்து வருகின்றனா். சில பகுதிகளில் தடுப்புகள் இருப்பதால் யானைகள் திசைமாறி செல்வதாகவும், தடுப்புகள் உள்ள பகுதி யானைகளின் வழித்தடம் என்றும் கூறப்படுகிறது. யானைகளின் வழித்தடத்தை மீட்கும்போது, பொதுமக்களுக்கு எவ்வித பிரச்னையும் இல்லாமல் ஆய்வு செய்து அவற்றை மீட்க நடவடிக்கை எடுக்கப்பட்டு வருகிறது.

வனத் துறையினருக்கு ஊதிய உயா்வு, சீருடைக்கான கூடுதல் தொகை குறித்து முதல்வரிடம் பேசி நடவடிக்கை எடுக்கப்படும். ஆனைமலை புலிகள் காப்பகத்துக்குள்பட்ட உடுமலை வனச் சரகம், குருமலை உள்ளிட்ட மலைக் கிராமங்களுக்கு சாலை அமைப்பது குறித்து ஆய்வு மேற்கொண்டு உரிய நடவடிக்கை எடுக்கப்படும் என்றாா்.