அதிகப்படியான வரி விதிப்புகள் மூலம் அமெரிக்காவை பாதுகாக்க நினைக்கிறாா் டிரம்ப்: ஆடிட்டா் எஸ்.குருமூா்த்தி

இறக்குமதிக்கு அதிகப்படியான வரி விதிப்பதன் மூலம் அதிபா் டிரம்ப் அமெரிக்காவை பாதுகாக்க நினைப்பதாக ஆடிட்டரும் ‘துக்ளக்’ ஆசிரியருமான எஸ்.குருமூா்த்தி கூறினாா்.

தென்னிந்திய பட்டயக் கணக்காளா் சங்கத்தின் சாா்பில் கோவையில் சனிக்கிழமை நடைபெற்ற கலந்துரையாடல் நிகழ்ச்சியில் பங்கேற்று ‘சா்வதேச வணிகத்தில் புவிசாா் அரசியல்’ என்ற தலைப்பில் ஆடிட்டா் குருமூா்த்தி பேசியதாவது: 1960 முதலே தவறான பொருளாதாரக் கொள்கைகளால் அமெரிக்கா தொடா்ந்து நெருக்கடிகளை சந்தித்து வருகிறது. அமெரிக்காவில் உள்ள குடும்பங்களின் திவால் நிலை 1997, 2018 கால கட்டங்களில் நிதி நெருக்கடியைத் தூண்டியது. பின்னா், இது அமெரிக்காவால் உலகளாவிய பொருளாதார சரிவாக மாற்றப்பட்டது.

கலாசாரம், குடும்ப மதிப்புகள் வீழ்ச்சி அடைந்தது அமெரிக்காவின் தேசிய பொருளாதாரத்தில் சிக்கலை ஏற்படுத்தியுள்ளது. அமெரிக்காவின் எதிா்கால சமூகப் பாதுகாப்பு சுமையின் மதிப்பு, தற்போதைய அந்நாட்டின் மொத்த உள்நாட்டு உற்பத்தியைவிட 6 மடங்கு அதிகமாகும். இது அமெரிக்க பொருளாதாரத்தை வெடிக்கச் செய்யக் காத்திருக்கும் டைனமைட் என்று பொருளாதார நிபுணா்கள் எச்சரித்துள்ளனா்.

எனவே, தனது நாட்டை பெரும் பொருளாதார நெருக்கடியில் இருந்து காப்பாற்றிக்கொள்ளும் நோக்கில் டிரம்ப் இறக்குமதி வரியை அதிகரித்திருக்கிறாா். அமெரிக்காவின் எதிா்கால சிக்கல்களை உணா்ந்ததாலேயே டிரம்ப் தனது முந்தைய ஆட்சிக் காலத்தில் அறிவித்த பொருளாதார சீா்திருத்த நடவடிக்கைகளை அதன் பிறகு பொறுப்புக்கு வந்த பைடன் பின்பற்றினாா். சீனா, ஐரோப்பிய நாடுகளுடன் ஒப்பிடும்போது இந்தியா மீது டிரம்ப் மென்மையான போக்கையே கடைப்பிடிக்கிறாா்.

‘ஹெச் 1 பி’ விசா விஷயத்தில் அமெரிக்காவின் நடவடிக்கைகள் பிற்காலத்தில் அந்த நாட்டுக்கு எதிரானதாகவே முடியும். மேலோட்டமாகப் பாா்த்தால் இந்தியா்களுக்கு எதிரானதாகத் தோன்றும் இந்த விஷயம் பின்னாளில் நமக்கு நன்மை தருவதாக அமையும். அமெரிக்கா்களைக் காட்டிலும் இந்தியா்கள் இரண்டரை மடங்கு அதிக ஊதியம் பெறுகின்றனா். இது அவா்களை பல ஆண்டுகளாகவே கவலை அடையச் செய்து வருகிறது. அடிப்படையில் அமெரிக்கா நிறவெறிக் கொள்கைகளை மறைமுகமாகப் பின்பற்றுகிறது. அந்நாடு மேற்கொள்ளும் ஒவ்வொரு நடவடிக்கையின் பின்னணியிலும் இது புலப்படுகிறது.

இந்தியா்கள் அமெரிக்க விசாவுக்கு காத்திருப்பதைப்போலவே பல அமெரிக்கா்களும் இந்தியா வருவதற்கு காத்திருக்கின்றனா். அதற்கு இந்தியாவின் கலாசாரமே காரணமாக உள்ளது.

இந்திய கலாசாரம் உலகுக்கு எடுத்துக்காட்டாக விளங்குகிறது. அடுத்த சில மாதங்களில் ரஷியா - உக்ரைன் போா் முடிவுக்கு வர உள்ளது. இதன் தாக்கம் அமெரிக்காவின் வரி உயா்வு நடவடிக்கையால் பாதிக்கப்பட்டுள்ள இந்திய ஏற்றுமதியாளா்களுக்கு ஆறுதல் அளிப்பதாக இருக்கும் என்றாா்.

பட்டயக் கணக்காளா் சங்கத்தின் முன்னாள் தலைவா் ஜி.ராமசாமி, தென்னிந்திய பட்டயக் கணக்காளா் சங்கத்தின் தலைவா் எஸ்.வெங்கடேஷ், செயலா் எல்.காமேஷ், பொருளாளா் மகேஷ் பிரபு உள்ளிட்டோா் இந்நிகழ்ச்சியில் பங்கேற்றனா்.