தொகுதி அறிமுகம்: கோவை வடக்கு! மருதமலை, கல்வி நிறுவனங்களை உள்ளடக்கிய வடக்குத் தொகுதி!

சூயஸ் மூலம் செயல்படுத்தப்படும் 24 மணி நேர குடிநீா்த் திட்டம் முழுமை அடையாததால் பல இடங்களில் குடிநீா்ப் பிரச்னை உள்ளது.

மருதமலை முருகன் கோயில், தமிழ்நாடு வேளாண்மைப் பல்கலைக்கழகம்

Updated On :24 மார்ச் 2026, 11:51 pm

மருதமலை சுப்பிரமணிய சுவாமி கோயில், வேளாண்மைப் பல்கலைக்கழகம், பாரதியாா் பல்கலைக்கழகம், அண்ணா பல்கலைக்கழக மண்டல வளாகம் போன்ற கல்வி நிறுவனங்கள், மேட்டுப்பாளையம் பேருந்து நிலையம் உள்ளிட்ட முக்கிய இடங்கள் இந்தத் தொகுதியில் உள்ளன.

கடந்த 1952இல் கோவை தொகுதியாகவும், 1957, 1962 தோ்தல்களில் கோவை 2ஆவது தொகுதியாகவும் இருந்த இந்தத் தொகுதி, 1967 முதல் 2006ஆம் ஆண்டு வரை கோவை கிழக்குத் தொகுதியாக இருந்தது. மறுசீரமைப்புக்குப் பிறகு கோவை வடக்குத் தொகுதியாக அறிவிக்கப்பட்டு 2011 முதல் தோ்தலை சந்தித்து வருகிறது.

தொகுதியில் உள்ள பகுதிகள்

கோவை வடக்கு, தெற்கு வட்டத்தின் சில பகுதிகள், பேரூா் வட்டத்தின் வீரகேரளம், வடவள்ளி, மருதமலை, கல்வீரம்பாளையம் பகுதிகள், சாய்பாபா காலனி, டாடாபாத், ரத்தினபுரி, கணபதி, ஆா்.எஸ்.புரத்தின் ஒரு பகுதி போன்றவற்றை உள்ளடக்கிய கோவை மாநகராட்சி வாா்டு எண் 10 முதல் 21 வரை, வாா்டு 41, 44, 45, 46, 47, 48, 49 ஆகியவை.

தொழில்

கோவை வடக்குத் தொகுதியில் சிறு, குறு தொழிற்சாலைகள் ஏராளமான அளவில் உள்ளன. லேத் பட்டறைகள், பவுண்டரிகள், என்ஜினீயரிங் நிறுவனங்கள், கிரைண்டா், பம்ப்செட் தயாரிப்பு நிறுவனங்கள் உள்ளிட்ட தொழில் நிறுவனங்கள் செயல்பட்டு வருகின்றன.

சமூக நிலவரம்

கொங்கு வேளாளா்கள், நாயுடு, தேவா், போயா்கள், தாழ்த்தப்பட்டவா்கள், தொழில் நிமித்தம் குடியேறிய வெளிமாவட்டத்தினா், மலையாளம், கன்னடம், தெலுங்கு போன்ற பிறமொழி பேசும் மக்கள் குறிப்பிடத்தக்க அளவில் வசிக்கின்றனா்.

தீா்க்கப்படாத மக்கள் பிரச்னைகள்

கோவை வடக்குத் தொகுதியைப் பொறுத்தவரை போக்குவரத்து நெரிசல் முக்கிய பிரச்னையாக உள்ளது. இந்தத் தொகுதியில் உள்ள சத்தியமங்கலம் சாலை, மேட்டுப்பாளையம் சாலை, தடாகம் சாலை, மருதமலை சாலை என முக்கியச் சாலைகள் அனைத்துமே அகலப்படுத்தப்படாமலும், தேவையான இடங்களில் மேம்பாலங்கள் இல்லாமலும் இருப்பதால் போக்குவரத்து நெரிசல் ஏற்படுவது தினசரி பிரச்னையாகி இருக்கிறது.

மேட்டுப்பாளையம் சாலையில் எம்.ஜி.ஆா். மாா்க்கெட், மேட்டுப்பாளையம் பேருந்து நிலையம் என மக்கள் அதிகம் கூடும் இடங்கள் ஒரே இடத்தில் இருப்பதால் போக்குவரத்து நெரிசல் ஏற்படுகிறது. எனவே எம்.ஜி.ஆா். மாா்க்கெட்டை வாகனங்கள் எளிதில் வந்து செல்லக் கூடிய அளவில் வேறு பெரிய இடத்துக்கு மாற்ற வேண்டும் என்கின்றனா் தொகுதி மக்கள்.

சூயஸ் மூலம் செயல்படுத்தப்படும் 24 மணி நேர குடிநீா்த் திட்டம் முழுமை அடையாததால் பல இடங்களில் குடிநீா்ப் பிரச்னை உள்ளது. கழிவுநீா் மேலாண்மை, சங்கனூா் பள்ளம் சீரமைப்புப் பணிகள், குண்டும்குழியுமான சாலைகள், குறுந்தொழில்முனைவோா் சந்திக்கும் மத்திய, மாநில அரசுகளின் கொள்கை முடிவுகளை சாா்ந்த பிரச்னைகள் யாவும் தொகுதியில் எதிரொலிக்கும் முக்கியப் பிரச்னைகளாக உள்ளன.

வாக்காளா் விவரம்

ஆண்கள் 1,44,383

பெண்கள் 1,48,122

மூன்றாம் பாலினத்தவா் 28

மொத்தம் 2,91,533

தொடா்ந்து 4 முறை வென்ற மாா்க்சிஸ்ட்

1952 தோ்தலில், மறைந்த மத்திய அமைச்சா் சி.சுப்பிரமணியம் வெற்றி பெற்ற தொகுதி. கோவை கிழக்குத் தொகுதியாக இருந்தபோது மாா்க்சிஸ்ட் கம்யூனிஸ்ட் கட்சி வசம் தொடா்ந்து 14 ஆண்டுகள் இருந்தது. அக்கட்சியின் மறைந்த தலைவா் ரமணி 1977, 1980, 1984, 1989 தோ்தல்களில் வெற்றி பெற்றிருந்தாா். வி.கே.லட்சுமணன் 1991, 1996, 2001 தோ்தல்களில் காங்கிரஸ், தமாகா சாா்பில் வெற்றி பெற்றுள்ளாா். 2011 தோ்தலில்தான் அதிமுக முதல் முறையாக வெற்றி பெற்றது. அதன் பிறகு தொடா்ச்சியாக அதிமுகவே வெற்றி பெற்றுள்ளது.

இதுவரை வென்றவா்கள்

1952 சி.சுப்பிரமணியம் காங்கிரஸ்

1957 என்.மருதாசலம் இந்திய கம்யூனிஸ்ட், பழனிசாமி - காங்கிரஸ் (இரட்டை உறுப்பினா் தொகுதி)

1962 கே.பி.பழனிசாமி காங்கிரஸ்

1967 எம்.பூபதி மாா்க்சிஸ்ட் கம்யூனிஸ்ட்

1971 கே.ரங்கநாதன் திமுக

1977 கே.ரமணி மாா்க்சிஸ்ட் கம்யூனிஸ்ட்

1980 கே.ரமணி மாா்க்சிஸ்ட் கம்யூனிஸ்ட்

1984 கே.ரமணி மாா்க்சிஸ்ட் கம்யூனிஸ்ட்

1989 கே.ரமணி மாா்க்சிஸ்ட் கம்யூனிஸ்ட்

1991 வி.கே.லட்சுமணன் காங்கிரஸ்

1996 வி.கே.லட்சுமணன் தமாகா (மூ)