மேல்முடி, பெருமாள்முடி கோயில்களுக்குச் செல்ல பக்தா்களுக்கான கட்டுப்பாடுகளைத் தளா்த்த கோரிக்கை

கோவை, அக். 5: கோவை மாவட்டம் பாலமலை பகுதியில் உள்ள மேல்முடி, பெருமாள்முடி கோயில்களுக்குச் செல்ல பக்தா்களுக்கு விதிக்கப்பட்டுள்ள கட்டுப்பாடுகளைத் தளா்த்த வேண்டும் என்று இந்து முன்னணி வலியுறுத்தியுள்ளது.

கோவை மாவட்ட பொதுமக்கள் குறைதீா் கூட்டம், ஆட்சியா் பவன்குமாா் க.கிரியப்பனவா் தலைமையில் திங்கள்கிழமை நடைபெற்றது. மாவட்ட வருவாய் அலுவலா் சுரேந்திரன், கோட்டாட்சியா்கள் வினோத்குமாா், மாருதிப்ரியா, சமூகப் பாதுகாப்புத் திட்ட தனித் துணை ஆட்சியா் வாணிலெட்சுமி ஜெகதம்மாள் உள்ளிட்டோா் பங்கேற்றனா்.

இந்து முன்னணியின் வடக்கு மாவட்ட செயற்குழு உறுப்பினா் எஸ்.மனோகரன் தலைமையில் அந்த அமைப்பினா் ஆட்சியரிடம் அளித்துள்ள மனு:

பாலமலை பகுதியில் உள்ள மேல்முடி, பெருமாள்முடி மலைக் கோயில்களுக்குச் செல்ல மாவட்ட நிா்வாகம் பல்வேறு கட்டுப்பாடுகள் விதித்துள்ளன. கோயிலுக்கு வந்த பக்தா் ஒருவா் உயிரிழந்துவிட்டாா் என்பதை காரணம்காட்டி, ஒட்டுமொத்த பக்தா்களின் எண்ணிக்கையை குறைக்க முயற்சிப்பது, ஹிந்துக்களின் வழிபாட்டு உரிமையைப் பறிக்கும் செயல்.

கோயிலுக்கு வரும் பக்தா்களுக்கு முதலுதவி, மருத்துவ சிகிச்சை அளிக்க வேண்டியது மாவட்ட நிா்வாகத்தின் கடமை. பக்தா்களின் வழிபாட்டுக்கு சிறப்பான வசதிகளை செய்து கொடுப்பதுதான் அரசின் கடமை என்பதால், பக்தா்களுக்கு விதிக்கப்பட்ட அனைத்துவிதமான கட்டுப்பாடுகளையும் நீக்க வேண்டும் என்று குறிப்பிட்டுள்ளனா்.

ஆக்கிரமிப்பு

கோவை மாநகராட்சி 74-ஆவது வாா்டு பகுதியைச் சோ்ந்த பொதுமக்கள், தமிழ்நாடு திராவிடா் சுயமரியாதைக் கழகத்தின் தலைவா் மா.நேருதாஸ் தலைமையில் அளித்த மனுவில், ‘74-ஆவது வாா்டுக்குள்பட்ட தொண்டாமுத்தூா் சாலை, பனைமரத்தூா் பகுதியில் அரசு நிலத்தில் பல ஆண்டுகளாக குடியிருந்து வந்த 30-க்கும் மேற்பட்ட குடும்பத்தினா் காலி செய்யப்பட்டு, வீடுகள் இடித்து அகற்றப்பட்டுள்ளன. அந்த இடத்தைப் பாதுகாக்க மாநகராட்சி நிா்வாகம் ஏற்பாடு செய்யாததால், தற்போது தனிநபா்களால் ஆக்கிரமிக்கப்பட்டுள்ளது. எனவே அந்த இடத்தை மீட்டு சமூகநலக் கூடம், நூலகம், பூங்கா உள்ளிட்டவற்றை அமைக்க வேண்டும் என்று வலியுறுத்தியுள்ளனா்.

காலவரையற்ற போராட்டம்

தமிழ்நாடு 108 அவசர ஊா்தி தொழிலாளா் முன்னேற்றச் சங்கத்தினா் அளித்த மனுவில், ‘தமிழ்நாடு சுகாதாரத் திட்டத்தின் கீழ் அவசரகால மேலாண்மை சேவையாக செயல்பட்டுவரும் 108 ஆம்புலன்ஸ் சேவையில் தமிழ்நாடு முழுவதும் சுமாா் 1,300 ஆம்புலன்ஸ்கள் இயங்குகின்றன. இதில் சுமாா் 7 ஆயிரம் தொழிலாளா்கள் பணிபுரிந்து வருகிறோம்.

இத்தொழிலாளா்களுக்கு ஊதியம், பணிச்சலுகை, பாதுகாப்பு உள்ளிட்ட 11 அம்ச கோரிக்கைகளை முன்வைத்து தமிழக அரசுக்கும், 108 ஆம்புலன்ஸ் நிா்வாகத்துக்கும் தொடா்ச்சியாக வலியுறுத்தி வருகிறோம். இந்த கோரிக்கைகளை முன்வைத்து நவம்பா் 3-ஆம் தேதி தொடங்கி 24 மணி நேரத்துக்கு வேலைநிறுத்தப் போராட்டமும், அதைத்தொடா்ந்து காலவரையற்ற போராட்டத்திலும் ஈடுபட உள்ளோம் என்று குறிப்பிட்டுள்ளனா்.

இந்தக் கூட்டத்தில் பல்வேறு கோரிக்கைகளை வலியுறுத்தி பொதுமக்கள் 560 மனுக்களை வழங்கினா். அவற்றின் மீது உரிய நடவடிக்கை எடுக்க சம்பந்தப்பட்ட துறையினருக்கு ஆட்சியா் அறிவுறுத்தியுள்ளாா்.