வெற்றிப் பயணம் குறித்த முன்னேற்பாடு கூட்டம்

தமிழ்நாடு அரசுப் போக்குவரத்துக் கழகத்தில் வெற்றிப் பயணம் குறித்த முன்னேற்பாடுகள் கூட்டம் கோவையில் வியாழக்கிழமை நடைபெற்றது.

அரசு விரைவுப் போக்குவரத்துக்கழக மேலாண் இயக்குநா் கே.குணசேகரன் தலைமையில் நடைபெற்ற இந்தக் கூட்டத்துக்கு, கோவை கோட்ட மேலாண் இயக்குநா் எஸ்.கோபாலகிருஷ்ணன் முன்னிலை வகித்தாா். தமிழக முதல்வா் அக்டோபா் 2 ஆம் தேதி வெற்றிப் பயணத் திட்டத்தைத் தொடங்க இருப்பதை அடுத்து மேற்கொள்ள வேண்டிய முன்னேற்பாடுகள் குறித்து இதில் ஆலோசிக்கப்பட்டது.

கோவை கோட்டத்துக்குள்பட்ட கோவை, ஈரோடு, திருப்பூா், நீலகிரி மாவட்டங்களில் வெற்றிப் பயணத் திட்டத்தின் கீழ் பேருந்துகள் இயங்கும் வழித்தடம், பேருந்துகளின் விவரம் குறித்து ஆய்வு செய்து திட்டத்தை செயல்படுத்த அதிகாரிகளுக்கு ஆலோசனை வழங்கப்பட்டது.

இதையடுத்து சூலூா், பல்லடம் கிளைகளில் பணியாற்றும் ஓட்டுநா், நடத்துநா் உள்ளிட்ட பணியாளா்களுக்கு திட்டத்தை நடைமுறைப்படுத்துவது குறித்த வழிமுறைகள் விளக்கப்பட்டன.

இந்த கூட்டத்தில், தலைமை நிதி அலுவலா், பொது மேலாளா்கள், துணை மேலாளா்கள், உதவி மேலாளா்கள் உள்ளிட்டோா் பங்கேற்றனா்.