சாலையோர வியாபாரிகளுக்கு வங்கிக் கடன்: 656 விண்ணப்பங்கள் பெறப்பட்டன

கோவை மாநகராட்சியில் சாலையோர வியாபாரிகளுக்காக நடைபெற்ற வங்கிக் கடன் வழங்குவதற்கான சிறப்பு முகாமில், 656 விண்ணப்பங்கள் பெறப்பட்டுள்ளன.

இதுகுறித்து, மாநகராட்சி நிா்வாகம் வெளியிட்டுள்ள செய்திக் குறிப்பு: கோவை மாநகராட்சிக்கு உள்பட்ட 5 மண்டல அலுவலகங்கள் மற்றும் மாநகராட்சி பிரதான அலுவலகத்தில் கடந்த செப்டம்பா் 7-ஆம் தேதி முதல் 25-ஆம் தேதி வரை சாலையோர வியாபாரிகளுக்காக நடைபெற்ற வங்கிக்கடன் பெறும் லோக் கல்யாண் மேளா’சிறப்பு முகாமில் 656 விண்ணப்பங்கள் பெறப்பட்டு, வங்கிக் கடனுக்கு விண்ணப்பிக்கப்பட்டுள்ளன.

அதன்படி, கிழக்கு மண்டலத்தில் 140 விண்ணப்பங்கள், மேற்கு மண்டலத்தில் 145, தெற்கில் 132, வடக்கில் 118, மத்திய மண்டலத்தில் 121 விண்ணப்பங்கள் என மொத்தம் 656 விண்ணப்பங்கள் பெறப்பட்டு, வங்கிக் கடனுக்கு விண்ணப்பிக்கப்பட்டுள்ளதாக தெரிவிக்கப்பட்டுள்ளது.