ஈரோடு மாவட்டத்தில் பரவலாக மழை

ஈரோடு மாவட்டத்தில் வியாழக்கிழமை பரவலாக மழை பெய்தது.

சென்னிமலையில் 63 மி.மீட்டர் மழையளவு பதிவானது.

 ஈரோட்டில் கடந்த சில தினங்களாக வெயில் சுட்டெரித்தது. இந்நிலையில், வியாழக்கிழமை மாலையில் பலத்த இடி, மின்னலுடன் கூடிய மழை பெய்தது. இதனால், தாழ்வான பகுதிகளிலும், சாலைகளிலும் மழை நீர் கரைபுரண்டு ஓடியது.

 ஈரோடு மாவட்டத்தில் பவானிசாகர், சத்தியமங்கலம், கோபி, சென்னிமலை, பெருந்துறை, கவுந்தப்பாடி, மொடக்குறிச்சி ஆகிய பகுதிகளில் பலத்த மழை பெய்தது.

 ஈரோடு மாவட்டத்தில் பதிவான மழை அளவு (மில்லி மீட்டரில்):

சென்னிமலை 63, அரச்சலூர் 43, ஓலப்பாளையம் 34, கோபி 33, மொடக்குறிச்சி 32, ஒரத்துப்பாளையம் 25, முத்தூர் 25, ஈரோடு 21, சிவகிரி 17, புங்கம்பாடி 15.4, கவுந்தப்பாடி 15.2, பவானி 15, பெருந்துறை 14.1, கொடிவேரி 11, எலந்தகுட்டைமேடு 9, சத்தி 6, பவானிசாகர் 5.2 என்ற அளவில் மழை பதிவானது.