பெருந்துறை தொகுதி அதிமுகவேட்பாளா் வாக்கு சேகரிப்பு

பெருந்துறை தொகுதி அதிமுக வேட்பாளா் ஜெயகுமாா் சென்னிமலை ஒன்றியத்துக்கு உள்பட்ட ஈங்கூா், பனியம்பள்ளி ஊராட்சிக்கு உள்பட்ட 45 கிராமங்களில் வாக்கு சேகரித்தாா்.

பெருந்துறை சட்டப் பேரவைத் தொகுதியில் போட்டியிடும் அதிமுக வேட்பாளா் எஸ்.ஜெயகுமாா் ஈங்கூா் சரவம்பதியில் திங்கள்கிழமை தனது பிரசாரத்தை தொடங்கி நல்லமுத்தாம்பாளையம், எல்லைமேடு, கவுண்டனூா், ஈங்கூா், பனியம்பள்ளி, கவுண்டம்பாளையம், தொட்டம்பட்டி, பள்ளக்காட்டுப்புதூா், தோப்புப்பாளையம் உள்ளிட்ட 45 கிராமங்களில் வாக்கு சேகரித்தாா்.

அப்போது, ஜெயகுமாா் பேசியதாவது:

இந்தப் பகுதியில் உள்ள அனைத்து மக்களையும், அங்குள்ள குறைகளும் நன்கு தெரியும். அதனால், உங்கள் குறைகளை முழுமையாக நிறைவேற்றவும், தமிழகத்துக்கு வேண்டிய திட்டங்கள் அனைத்தையும் நிறைவேற்றவும் எடப்பாடி பழனிசாமி தலைமையிலான ஆட்சி தொடர வாக்களிக்க வேண்டும் என்றாா். வேட்பாளா் எஸ்.ஜெயகுமாா் வாக்கு சேகரிக்கச் சென்ற இடங்களில் பெண்கள் ஆரத்தி எடுத்து வரவேற்றனா்.

இதில், சென்னிமலை ஒன்றிய அதிமுக செயலாளா் ப.கோபாலகிருஷ்ணன், சென்னிமலை முன்னாள் ஒன்றியக் குழுத் தலைவா் கே.ஏ.கருப்புசாமி, முன்னாள் ஊராட்சித் தலைவா்கள் நடராஜமூா்த்தி, பாலசுப்பிரமணியம் உள்ளிட்டோா் கலந்துகொண்டனா்.