இந்திய கம்யூனிஸ்ட் வேட்பாளர்கள் அறிவிப்பு

திமுக கூட்டணியில் இந்திய கம்யூனிஸ்ட் கட்சி போட்டியிடும் தொகுதிகளுக்கான வேட்பாளர்கள் அறிவிக்கப்பட்டுள்ளன.

திமுக தலைவரும் முதல்வருமான ஸ்டாலின் - இந்திய கம்யூனிஸ்ட் கட்சி பொதுச் செயலர் மு. வீரபாண்டியன், முன்னாள் மாநிலச் செயலர் இரா. முத்தரசன். - கோப்புப்படம்.

Updated On :29 மார்ச் 2026, 8:11 am

இணையதளச் செய்திப் பிரிவு

திமுக கூட்டணியில் இந்திய கம்யூனிஸ்ட் கட்சி போட்டியிடும் தொகுதிகளுக்கான வேட்பாளர்கள் அறிவிக்கப்பட்டுள்ளன.

அதன்படி, தளி - ராமச்சந்திரன், திருத்துறைப்பூண்டி (தனி) - மாரிமுத்து, திருவில்லிபுத்தூர் (தனி) - மகாலிங்கம், திருப்பூர் வடக்கு - ரவி, பவானிசாகர் (தனி) - சுந்தரம் ஆகியோர் போட்டியிடுவர் எனத் தெரிவிக்கப்பட்டுள்ளது.

தமிழ்நாட்டில் பேரவைத் தேர்தலுக்கு தேதி அறிவிக்கப்பட்டுள்ள நிலையில், தேர்தலுக்கான வேலைகளை ஆளும் திமுகவும், எதிர்க்கட்சியான அதிமுகவும், புதுவரவான தவெகவும் தீவிரப்படுத்தி வருகின்றன. திமுக கூட்டணியில் 20க்கும் அதிகமான கட்சிகள் இடம் பெற்றுள்ளன.

இதில், இ.யூ.மு.லீக், மமக., காங்கிரஸ், மதிமுக, இந்திய கம்யூனிஸ்ட், மார்க்சிஸ்ட், விசிக, தவாக, மக்கள் விடுதலை கட்சி, ம.நீ.ம., கொ.ம.தே.க., எஸ்.டி.பி.ஐ., ம.ஜ.க., முக்குலத்தோர் புலிப்படை, கொங்கு இளைஞர் பேரவை உள்ளிட்ட கட்சிகள் அடங்கும் என்பது குறிப்பிடத்தக்கது.