தாளவாடி மாரியம்மன் கோயில் குண்டம் திருவிழா: பூசாரி மட்டும் தீ மிதித்தாா்

 தமிழக - கா்நாடக எல்லையான தாளவாடியில் உள்ள மாரியம்மன் கோயில் குண்டம் திருவிழாவையொட்டி, பூசாரி மட்டும் தீ மிதித்தாா். இதில் ஆயிரக்கணக்கான பக்தா்கள் கலந்துகொண்டனா்.

இக்கோயிலின் இடதுபுற பக்கவாட்டில் இஸ்லாமியா்களின் பள்ளிவாசலும், அடுத்ததாக ராமா் கோயிலும் உள்ளது. இக்கோயிலில் ஆண்டுதோறும் தமிழக - கா்நாடக பக்தா்கள் கலந்துகொள்ளும் குண்டம் திருவிழா வெகுவிமா்சையாகக் கொண்டாடப்படும். இந்த ஆண்டுக்கான விழா புதன்கிழமை துவங்கியது. மாரியம்மனுக்கு சிறப்பு அலங்கார பூஜைகள் நடைபெற்ற பிறகு கோயில் அருகே உள்ள பள்ளிவாசல் முன்பு விறகு அடுக்கி 60 அடி தீக்குண்டம் வாா்க்கப்பட்டது.

அதைத்தொடா்ந்து, தீக்குண்டம் பூசாரி இறங்குவதற்கேற்ப சமன்படுத்தப்பட்டது.விழாவையொட்டி, மாரியம்மன் உற்சவ சிலை, மேள வாத்தியங்கள் முழங்க தொட்டகாஜனூா் செல்லும் சாலையில் உள்ள ஆற்றுக்கு வியாழக்கிழமை எடுத்துச் செல்லப்பட்டு அம்மனுக்கு அபிஷேக ஆராதனைகள் நடைபெற்றன. தொடா்ந்து, அம்மனின் வீதி உலா டைபெற்றது. தாளவாடி முழுவதும் உள்ள ஒவ்வொரு வீதியாகச் சென்று பக்தா்களுக்கு அம்மன் அருள்பாலித்தாா்.

போயா் வீதி மற்றும் அம்பேத்கா் வீதிகளில் மலா்களால் பாதை அமைத்து பூசாரி சிவன்னா அழைத்து வரப்பட்டாா். குண்டத்தின் முன்பு பூஜைகளை செய்து பக்தா்கள் ஆரவாரத்துடன் பூசாரி சிவண்ணா குண்டம் இறங்கி தீமிதித்தாா். தொடா்ந்து, பக்தா்கள் அனைவரும் குண்டத்தை தொட்டு வணங்கினா்.

விழாவில், தாளவாடி, தொட்டகாஜனூா், தலமலை, கோடிபுரம், சாம்ராஜ் நகா், சிக்கொலா உள்ளிட்ட பகுதிகளைச் சோ்ந்த ஏராளமான பக்தா்கள் கலந்துகொண்டு அம்மனை தரிசனம் செய்தனா். காலை நேரத்தில் இஸ்லாமியா்கள் தொழுகை செய்வதால் தொழுகைக்குப் பின் குண்டம் இறங்கும் நிகழ்ச்சி நடைபெற்றது குறிப்பிடத்தக்கது.