மொடக்குறிச்சி, சிவகிரியில் தேங்காய், நிலக்கடலை ஏலம்

மொடக்குறிச்சி ஒழுங்குமுறை விற்பனைக் கூடத்தில் தேங்காய் ஏலம் புதன்கிழமை நடைபெற்றது.

ஏலத்துக்கு சுற்றுவட்டாரப் பகுதிகளைச் சோ்ந்த விவசாயிகள் 12,983 தேங்காய்களை கொண்டு வந்திருந்தனா்.

இதில் ஒரு கிலோ ரூ. 36.39 முதல் ரூ.43.50 வரையும், சராசரி விலையாக ரூ.40.15-க்கும் ஏலம் போனது. மொத்தம் 4,961 கிலோ எடையுள்ள தேங்காய்கள் ரூ. ஒரு லட்சத்து 96 ஆயிரத்து 55-க்கு விற்பனையாயின.

இதேபோல தேங்காய் பருப்பு 166 மூட்டைகள் விற்பனைக்கு வந்திருந்தன. இதில் முதல்தரம் ஒரு கிலோ ரூ. 117 முதல் ரூ.124.31 வரைக்கும், சராசரி விலையாக ரூ. 120.60-க்கும் விற்பனையாயின. இரண்டாம் தரம் ரூ. 81.16 முதல் ரூ. 107.60 வரைக்கும், சராசரியாக ரூ. 100.79-க்கும் விற்பனையாயின. மொத்தம் 4,434 கிலோ எடையுள்ள தேங்காய் பருப்பு ரூ. 5 லட்சத்து 3 ஆயிரத்து 144-க்கு விற்பனையாயின.

இதேபோல சிவகிரி ஒழுங்குமுறை விற்பனைக் கூடத்தில் நிலக்கடலை ஏலம் புதன்கிழமை நடைபெற்றது. இதில் சுற்றுவட்டாரப் பகுதிகளை சோ்ந்த விவசாயிகள் 305 மூட்டைகளில் நிலக்கடலையை விற்பனைக்கு கொண்டு வந்திருந்தனா்.

இதில் ஒரு கிலோ குறைந்தபட்சமாக ரூ. 64.19-க்கும், அதிகபட்சமாக ரூ. 76.19-க்கும், சராசரியாக ரூ. 73.09-க்கும் விற்பனையாயின. மொத்தம் 9,978 கிலோ எடையுள்ள நிலக்கடலை ரூ. 7 லட்சத்து 9 ஆயிரத்து 826-க்கு விற்பனையானதாக விற்பனைக்கூட அதிகாரிகள் தெரிவித்தனா்.