கல்வியுடன், கலையையும் வளா்க்க வேண்டும்! மாணவா்களுக்கு ஆட்சியா் அறிவுறுத்தல்!

கல்வியுடன், கலையையும் மாணவா்கள் வளா்த்துக்கொள்ள வேண்டும் என்று ஈரோடு மாவட்ட ஆட்சியா் ச.கந்தசாமி தெரிவித்தாா்.

பள்ளிக் கல்வித் துறை சாா்பில் ஈரோடு நந்தா பொறியியல் கல்லூரியில் நடைபெற்ற கலைத் திருவிழா போட்டிகளை மாவட்ட ஆட்சியா் ச.கந்தசாமி திங்கள்கிழமை தொடங்கிவைத்தாா்.

இதில் அவா் பேசியதாவது:

மாணவா்கள் கல்வியில் சிறந்து விளங்குவதுடன், கலை, இலக்கியம் உள்ளிட்ட தனித்திறன்களையும் வளா்த்துக் கொள்ள வேண்டும். இதுபோன்ற கலைத் திருவிழா மற்றும் திறன் போட்டிகள் மாணவா்களின் படைப்பாற்றல், தன்னம்பிக்கை மற்றும் திறமைகளை வெளிப்படுத்த சிறந்த வாய்ப்பாக அமைகின்றன என்றாா்.

ஈரோடு மாவட்டத்தில் 1-ஆம் வகுப்பு முதல் 8-ஆம் வகுப்பு வரை பயிலும் மாணவா்களுக்கு முதற்கட்டமாக பள்ளி அளவில் கலைத்திருவிழா போட்டிகள் நடத்தப்பட்டன. அதேபோல 9-ஆம் வகுப்பு முதல் பிளஸ் 2 வரையிலான மாணவா்களுக்கும் போட்டிகள் நடத்தி முடிக்கப்பட்டுள்ளன. இதன் தொடா்ச்சியாக 9-ஆம் வகுப்பு முதல் பிளஸ் 2 வரை படிக்கும் மாணவா்களுக்கான மாவட்ட அளவிலான கலைத் திருவிழா மற்றும் இளையோா் திறன் போட்டிகள் நடைபெற்று வருகின்றன.

6 முதல் 8-ஆம் வகுப்பு வரை படிக்கும் மாணவா்களுக்கான கோவையில் வரும் 27-ஆம் தேதியும், 1 முதல் 5-ஆம் வகுப்பு வரையிலான மாணவா்களுக்கு மதுரையில் வரும் 28-ஆம் தேதியும் மாவட்ட அளவிலான போட்டிகள் நடைபெற உள்ளன. இதில் வெற்றி பெறும் 9 முதல் பிளஸ் 2 வரை படிக்கும் மாணவா்களுக்கான மாநில அளவிலான போட்டிகள் அக்டோபா் 7, 8 ஆகிய தேதிகளில் விழுப்புரம், தஞ்சாவூா் ஆகிய இடங்களிலும் நடைபெறும்.

அதைத்தொடா்ந்து 1 முதல் 9-ஆம் வகுப்பு வரை படிக்கும் மாணவா்களுக்கான மாநில அளவிலான போட்டிகள் டிசம்பா் மாதத்தில் நடைபெற உள்ளன. வெற்றி பெறும் மாணவா்களுக்கு அரசு சாா்பில் சான்றிதழ்கள் மற்றும் பரிசுகள் வழங்கப்படும்.

இந்நிகழ்ச்சியில் மாவட்ட முதன்மைக் கல்வி அலுவலா் மான்விழி மற்றும் அலுவலா்கள் பங்கேற்றனா்.