கொடுமுடி மகுடேஸ்வரா் கோயில் உண்டியல் காணிக்கை ரூ.39.40 லட்சம்

கொடுமுடி மகுடேஸ்வரா் கோயில் உண்டியலில் காணிக்கையாக ரூ.39.40 லட்சம், 77 கிராம் தங்கத்தை பக்தா்கள் செலுத்தியுள்ளனா்.

ஈரோடு மாவட்டம், கொடுமுடி மகுடேஸ்வரா் கோயிலில் உள்ள 20 உண்டியல்கள் திறக்கப்பட்டு, பக்தா்கள் காணிக்கையாக செலுத்தியிருந்த பணம் மற்றும் நகைகள் எண்ணும் பணி செவ்வாய்க்கிழமை நடைபெற்றது. பவானி சங்கமேஸ்வரா்கோயில் உதவி ஆணையா் மற்றும் செயல் அலுவலா் அருள்குமாா், இந்து அறநிலையத் துறையின் மொடக்குறிச்சி சரக ஆய்வாளா் நித்யா, மகுடேஸ்வரா் கோயிலின் செயல் அலுவலா் திருஞானசம்பந்தா் ஆகியோா் முன்னிலை வகித்தனா்.

கல்லூரி மாணவ, மாணவிகள் 20 போ், பக்தா்கள் 40 போ், கோயில் பணியாளா்கள் என மொத்தம் 100 போ் காணிக்கை எண்ணும் பணியில் ஈடுபட்டிருந்தனா்.

இதில் பக்தா்கள் ரூ.39 லட்சத்து 40 ஆயிரத்து 875-ஐ ரொக்கம், 77 கிராம் தங்கம், 380 கிராம் வெள்ளி நகைகளை காணிக்கையாக செலுத்தியிருந்தனா்.