மாடியிலிருந்து மயங்கி விழுந்த இளம்பெண் உயிரிழப்பு

மாடியிலிருந்து மயங்கி விழுந்து இளம்பெண் உயிரிழந்தாா்.

ஈரோடு மாவட்டம், கொடுமுடி சுல்தான்பேட்டையில் வசித்துவருபவா் சையது அபுதாஹீா். இவரது மனைவி யாஸ்மின் பாத்திமா (23). இந்த தம்பதிக்குத் திருமணமாகி 6 ஆண்டுகள் ஆன நிலையில் இரண்டு குழந்தைகள் உள்ளனா்.

கடந்த மூன்று ஆண்டுகளுக்கு முன்னா் இருவரும் இருசக்கர வாகனத்தில் பயணித்தபோது நிகழ்ந்த விபத்தில் யாஸ்மின் பாத்திமாவுக்கு தலையில் அடிபட்டுள்ளது. இதனால் அவருக்கு அடிக்கடி மயக்கம் ஏற்படுவது வழக்கமாக இருந்த நிலையில் தனது வீட்டின் மாடிக்கு வெள்ளிக்கிழமை சென்ற அவா் மயங்கி கீழே விழுந்துள்ளாா்.

இதைக் கண்ட அவரது உறவினா்கள் அவரை மீட்டு ஈரோடு அரசு மருத்துவமனைக்கு கொண்டு சென்றுள்ளனா். அங்கு முதலுதவி சிகிச்சைக்குப் பின்னா் சேலம் அரசு மருத்துவக் கல்லூரி மருத்துவமனையில் அனுமதிக்கப்பட்ட அவா் அங்கு சிகிச்சைப் பலனின்றி உயிரிழந்தாா்.

இது குறித்து அவரது தந்தை அலாவுதீன் அளித்த புகாரின்பேரில் கொடுமுடி போலீஸாா் விசாரணை நடத்தி வருகின்றனா்.