சா்க்கரை இருப்பு வைக்கும் காலம் 15 நாள்களாகக் குறைப்பு: தமிழக அரசு அறிவிப்புஉதகை, கொடைக்கானல் ‘ரோப் காா்’ சேவை: தனியாா் நிறுவனம் திட்ட அறிக்கை தாக்கல்ஆசிரியரல்லாத பணியாளா்களுக்கு கட்டாய பணியிட மாறுதல் அரசாணை வெளியீடுசபரிமலை: இணையவழி முன்பதிவில் கூடுதலாக 5,000 பக்தா்களுக்கு அனுமதிநவ. 25-இல் முதல்வா் விஜய் தலைமையில் 2-ஆவது வெற்றி தொழில் முதலீட்டாளா் மாநாடுபரந்தூர் விமான நிலையத் திட்டத்தை பாதியில் எப்படி கைவிட முடியும்? உயர்நீதிமன்றம் கேள்வி

பராமரிப்புப் பணி: 3 ரயில்களின் சேவையில் மாற்றம்

ஈரோடு -கரூா் பிரிவில் தண்டவாள பராமரிப்புப் பணிகள் நடைபெற உள்ளதால் 3 ரயில்களின் சேவையில் மாற்றம் செய்யப்பட்டுள்ளது.

கோப்புப் படம்

Updated On :

ஈரோடு -கரூா் பிரிவில் தண்டவாள பராமரிப்புப் பணிகள் நடைபெற உள்ளதால் 3 ரயில்களின் சேவையில் மாற்றம் செய்யப்பட்டுள்ளது.

இதுகுறித்து சேலம் ரயில்வே நிா்வாகம் வெளியிட்ட செய்திக் குறிப்பு:

செங்கோட்டையில் இருந்து காலை 5.20 மணிக்குப் புறப்படும் செங்கோட்டை -ஈரோடு விரைவு ரயில் (எண்: 16846) ஞாயிற்றுக்கிழமை (நவம்பா் 22) மற்றும் வருகிற 29-ஆம் தேதி கரூா் சந்திப்பு ரயில் நிலையத்துடன் நிறுத்தப்படும். பராமரிப்புப் பணி முடிந்த பிறகு இந்த ரயில் கரூா் சந்திப்பில் இருந்து ஈரோடு சந்திப்பு வரை முன்பதிவு இல்லாத சிறப்பு ரயிலாக இயக்கப்படும்.

ஈரோடு சந்திப்பில் இருந்து பிற்பகல் 2 மணிக்குப் புறப்படும் ஈரோடு-செங்கோட்டை விரைவு ரயில் (எண்: 16845) ஞாயிற்றுக்கிழமை மற்றும் வருகிற 29-ஆம் தேதி கொடுமுடி ரயில் நிலையத்தில் ஒரு மணி நேரம் நிறுத்திவைக்கப்படும்.

திருச்சி சந்திப்பில் இருந்து பிற்பகல் 1 மணிக்குப் புறப்படும் திருச்சி சந்திப்பு -பாலக்காடு டவுன் விரைவு ரயில் (எண்: 16843) ஞாயிற்றுக்கிழமை மற்றும் வரும் 29-ஆம் தேதி கரூா் சந்திப்பு ரயில் நிலையத்துடன் நிறுத்தப்படும். பராமரிப்புப் பணி முடிந்த பிறகு, இந்த ரயில் கரூா் சந்திப்பில் இருந்து பாலக்காடு டவுன் வரை முன்பதிவு இல்லாத சிறப்பு ரயிலாக இயக்கப்படும் எனத் தெரிவிக்கப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.