வெள்ளித்திருப்பூா் அருகே ஆக்கிரமிப்புகளை அகற்றி சாலை அமைக்க கோரிக்கை

தனியாா் ஆக்கிரமிப்புகளை அகற்றி பொதுமக்கள் போக்குவரத்துக்கு சாலை அமைத்துத் தர வேண்டும் என வெள்ளித்திருப்பூரை அடுத்த முத்துகவுண்டன்புதூா் கிராம மக்கள் கோரிக்கை விடுத்துள்ளனா்.

இது குறித்து அந்தியூா் வட்டாட்சியா் சக்திவேலிடம், அக்கிராம மக்கள் செவ்வாய்க்கிழமை அளித்த மனு விவரம் : அம்மாபேட்டை ஊராட்சி ஒன்றியம், வெள்ளித்திருப்பூா் ஊராட்சி, முத்துகவுண்டன்புதுாரில் 50-க்கும் மேற்பட்ட குடும்பத்தினா் கடந்த 70 ஆண்டுகளுக்கும்மேலாக வசித்து வருகிறோம். இந்நிலையில், முறையான சாலை வசதி இல்லாததால் அவதியடைந்து வருகிறோம்.

செம்முனீஸ்வரா் கோயிலுக்குச் செல்லும் வழியில் உள்ள இக்கிராமத்துக்கு, தனியாரின் ஓடை புறம்போக்கு நிலத்தில் உள்ள ஆக்கிரமிப்புகளை அகற்றி சாலை வசதி ஏற்படுத்தித் தர வேண்டும் எனத் தெரிவிக்கப்பட்டுள்ளது.