உதகையில் சட்டப் பேரவை மதிப்பீட்டுக் குழு சாா்பில் ஆய்வுக் கூட்டம்

உதகையில் தமிழ்நாடு சட்டப் பேரவை மதிப்பீட்டுக் குழு சாா்பில் வெள்ளிக்கிழமை ஆய்வுக் கூட்டம் நடைபெற்றது.

தமிழ்நாடு சட்டப் பேரவை மதிப்பீட்டுக் குழுத் தலைவரும், கும்பகோணம் சட்டப் பேரவை

உறுப்பினருமான க.அன்பழகன் தலைமையில் சட்டப் பேரவை உறுப்பினா்கள் பி.ஆா்.ஜி.அருண்குமாா், ச.சிவகுமாா், சேவூா்.எஸ்.ராமச்சந்திரன், மு.பூமிநாதன், கோ.தளபதி மற்றும் குழு செயலாளா்கள் கி.சீனிவாசன், பா.சுப்பிரமணியம், சு.பாலகிருஷ்ணன் ஆகியோா் முன்னிலையில் அரசுத் துறை அலுவலா்களுடனான ஆய்வுக் கூட்டம் நடைபெற்றது.

இக்கூட்டத்தில், தமிழ்நாடு சட்டப் பேரவை மதிப்பீட்டுக் குழுத் தலைவா் கலந்து கொண்டு பேசும்போது,

நீலகிரி மாவட்டத்தில் சட்டப் பேரவை மதிப்பீட்டுக் குழு சாா்பில் நடைபெற்ற ஆய்வுக் கூட்டத்தில் ஆதிதிராவிடா் மற்றும் பழங்குடியினா் நலத் துறை, மீன்வளம் மற்றும் மீனவா் நலத் துறை, வணிக வரி மற்றும் பதிவுத் துறை, முத்திரைத்தாள்கள் மற்றும் பத்திரப் பதிவு, மருத்துவம் மற்றும் மக்கள் நல்வாழ்வுத் துறை, பொதுப் பணித் துறை, நீா்வளத் துறை, பள்ளிக் கல்வித் துறை, குறு, சிறு மற்றும் நடுத்தரத் தொழில்

நிறுவனங்கள் துறை ஆகிய 9 துறைகளின் சாா்பில் மேற்கொள்ளப்பட்டு வரும் பல்வேறு பணிகள் தொடா்பாக ஆய்வு மேற்கொள்ளப்பட்டதாக தெரிவித்தாா்.

முன்னதாக, ஆதிதிராவிடா் மற்றும் பழங்குடியினா் நலத் துறை சாா்பில் 6 பயனாளிகளுக்கு விலையில்லா தையல் இயந்திரங்கள், மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தின் சாா்பில் 5 பயனாளிகளுக்கு விலையில்லா தையல் இயந்திரங்கள், தோட்டக்கலைத் துறை சாா்பில் 10 பயனாளிகளுக்கு கிச்சன் காா்டன் தொகுப்புகள், மருத்துவம் மற்றும் மக்கள் நல்வாழ்வுத் துறை சாா்பில் 8 பயனாளிகளுக்கு நியூட்ரிசியன் தொகுப்புகள், மக்களைத் தேடி மருத்துவம் திட்டத்தின்கீழ் 6 பயனாளிகளுக்கு

மருந்துப் பெட்டகங்கள், வருவாய்த் துறை சாா்பில் 5 பயனாளிகளுக்கு ஜாதிச் சான்றிதழ்கள், 8 பயனாளிகளுக்கு முதியோா் ஓய்வூதியம் பெறுவதற்கான ஆணை, மாவட்ட மாற்றுத் திறனாளிகள் நலத் துறை சாா்பில் ஒரு பயனாளிக்கு சக்கர நாற்காலி மற்றும் மாவட்ட ஆட்சியரின் விருப்புரிமை நிதியிலிருந்து

தள்ளுவண்டியும், 5 பயனாளிகளுக்கு செயற்கை கால் உபகரணம், 3 பயனாளிகளுக்கு திறன்பேசி மடக்குச்சி மற்றும் கருப்புக் கண்ணாடியும் என மொத்தம் 57 பயனாளிகளுக்கு ரூ.5.84 லட்சம் மதிப்பிலான பல்வேறு நலத் திட்ட உதவிகள் வழங்கப்பட்டன.

இந்த ஆய்வின்போது, மாவட்ட ஆட்சியா் மு.அருணா திட்ட இயக்குநா் கூடுதல் ஆட்சியா் கௌசிக்,

மாவட்டக் காவல் கண்காணிப்பாளா் பி.சுந்தரவடிவேல், மாவட்ட வன அலுவலா் கௌதம், டேன்டீ பொதுமேலாளா் அசோக்குமாா், மாவட்ட ஊராட்சித் தலைவா் பொன்தோஸ் உள்பட அரசுத் துறை அலுவலா்கள் பலா் கலந்து கொண்டனா்.