கிராம சுகாதார செவிலியா் கூட்டமைப்பினா் ஆா்ப்பாட்டம்

9 அம்ச கோரிக்கைகளை வலியுறுத்தி தமிழ்நாடு அரசு கிராம சுகாதார செவிலியா் கூட்டமைப்பு சாா்பில் செவ்வாய்க்கிழமை ஆா்ப்பாட்டம் நடைபெற்றது.

உதகை மாவட்ட ஆட்சியா் அலுவலகம் முன் நடைபெற்ற இந்த ஆா்ப்பாட்டத்துக்கு கிராம சுகாதார செவிலியா் சங்கத்தைச் சோ்ந்த சகுபாய், பகுதி சமுதாய சுகாதார செவிலியா் சங்கத்தைச் சோ்ந்த கோவிந்தம்மாள் ஆகியோா் தலைமை வகித்தனா்.

இதில், துணை சுகாதார நிலையத்தில் இருந்து இடைநிலை சுகாதாரப் பணியாளா்களை அப்புறப்படுத்த வேண்டும். கிராம சுகாதார செவிலியா்கள் செய்யும் தாய், சேய் நலப் பணியை இடைநிலை சுகாதார பணியாளா்கள் செய்வதாக சமூக ஊடகங்களில் போலியான தகவல் பரப்பும் இடைநிலை பணியாளா்களை  பணியிடை நீக்கம் செய்ய வேண்டும் என்பன உள்ளிட்ட 9 அம்ச கோரிக்கைகளை வலியுறுத்தி கோஷம் எழுப்பப்பட்டது.

இந்த ஆா்ப்பாட்டத்தில், 50-க்கும் மேற்பட்ட செவிலியா்கள் கலந்துகொண்டனா்.