பெரம்பலூரில் சுகாதார செவிலியா்கள் ஆா்ப்பாட்டம்

துணை சுகாதார நிலையத்திலிருந்து இடைநிலை சுகாதாரப் பணியாளா்களை அகற்ற வேண்டும் என்பது உள்ளிட்ட கோரிக்கைகளை வலியுறுத்தி, பெரம்பலூரில் தமிழ்நாடு அரசு கிராம, பகுதி, சமுதாய சுகாதார செவிலியா்கள் கூட்டமைப்பினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

பெரம்பலூா் மாவட்ட ஆட்சியரகம் எதிரே நடைபெற்ற ஆா்ப்பாட்டத்துக்கு, அச் சங்கத்தின் மாவட்டத் தலைவா் சந்தானலட்சுமி தலைமை வகித்தாா். மாவட்டச் செயலா் மொ்சி கிளாரா, மாவட்ட பொருளாளா் நளினி ஆகியோா் முன்னிலை வகித்தனா்.

துணை சுகாதார நிலையத்திலிருந்து இடைநிலை சுகாதாரப் பணியாளா்களை அகற்ற வேண்டும். கிராம சுகாதார செவிலியா்கள் மேற்கொள்ளும் தாய்-சேய் நலப்பணியை இடைநிலை சுகாதாரப் பணியாளா்கள் செய்வதாக அறிக்கை அனுப்புவதை நிறுத்த வேண்டும். பாலின பாகுபாடற்ற பதவி உயா்வு நிலை- 1 வழங்க வேண்டும். மாவட்ட அளவில் திட்டப் பணிகளுக்கான பதவி உயா்வு வழங்க வேண்டும்.

சமுதாய சுகாதார செவிலியா்களுக்கு தாய்-சேய் நல அலுவலா் பதவி உயா்வு வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி ஆா்ப்பாட்டத்தில் ஈடுபட்டோா் முழக்கமிட்டனா். ஆா்ப்பாட்டத்தில், திரளான சுகாதார செவிலியா்கள் பங்கேற்றனா்.