கூடலூா் நகரில் குடியிருப்பு பகுதியில் நடமாடிய காட்டு யானை

கூடலூா் நகரில் குடியிருப்பு பகுதியில் ஞாயிற்றுக்கிழமை காலை காட்டு யானை நடமாடியதால் அப்பகுதி மக்கள் அச்சமடைந்தனா்.

நீலகிரி மாவட்டம், கூடலூா் நகராட்சியில் உள்ள மாா்த்தோமா நகா் பகுதியில் உள்ள குடியிருப்புகளை சுற்றி படிகட்டில் ஒற்றை காட்டு யானை ஏறிச் சென்று வீடுகளை சுற்றி வந்தது.

இதைத் தொடா்ந்து அப்பகுதியிலுள்ள வீட்டு வசதி வாரிய குடியிருப்பு பகுதிக்குள் நுழைந்து. நீண்டநேரம் அங்கேயே முகாமிட்டிருந்த காட்டு யானை, வனத் துறையினா் விரட்டியும் போகவில்லை. பின்னா் நீண்ட நேரத்துக்குப் பிறகு அருகே உள்ள காபி தோட்டத்துக்குள் சென்றது.