லாரி-கார் மோதல்: பாதிரியார் சாவு

பல்லடம் அருகே திங்கள்கிழமை காரும், லாரியும் நேருக்கு நேர் மோதிக் கொண்ட விபத்தில் பாதிரியார் உயிரிழந்தார்.

ஈரோடு மாவட்டம், சிவகிரியைச் சேர்ந்த பாதிரியார் ஜான்சன்(51). இவர், தனது காரில் கோவைக்கு திங்கள்கிழமை சென்று கொண்டிருந்தார். மாதப்பூர் அருகே கோவை-திருச்சி தேசிய நெடுஞ்சாலையில் சென்றபோது, கோவையிலிருந்து கரூர் நோக்கிச் சென்ற மணல் லாரி, கார் மீது மோதியதில், ஜான்சன் சம்பவ இடத்திலேயே உயிரிழந்தார்.

லாரியைத் தொடர்ந்து வந்த கார், லாரி மீது மோதியதில் கோவையைச் சேர்ந்த செல்வராஜ், கோதைநாயகி, கோவிந்தராஜ், அந்தோனி ஆகியோர் காயம் அடைந்தனர்.இதையடுத்து, அவர்கள் அனைவரும் சிகிச்சைக்காக பல்லடம் அரசு மருத்துவமனையில் அனுமதிக்கப்பட்டனர். பல்லடம் போலீஸார் விசாரிக்கின்றனர்.