உடுமலையில் பிரசார இயக்கம்

உடுமலை நகரில் பல ஆண்டுகளாக நடைபெற்று வரும் பாதாளச் சாக்கடை பணிகளை விரைவில் முடிக்க வேண்டும் என வலியுறுத்தி பிரசார இயக்கம் வெள்ளிக்கிழமை நடைபெற்றது.

உடுமலை வட்டார உடல் உழைப்புத் தொழிலாளர் சங்கம் சார்பில் நடைபெற்ற இந்த பிரசார இயக்கத்திற்கு, அதன் தலைவர் எம்.குணசேகரன் தலைமை வகித்தார். பொதுச் செயலாளர் எம்.மூர்த்தி முன்னிலை வகித்தார்.

உடுமலை நகரில் கடந்த 4 ஆண்டுகளாக நடைபெற்று வரும் பாதாளச் சாக்கடை பணி களால் சாலைகள் மிக மோசமாக உள்ளது. இதனால் பொதுமக்கள் கடும் அவதிக்கு உள்ளாகி வருகின்றனர். எனவே, இந்த பணிகளை விரைவில் முடிக்க வேண்டுமென இப்பிரசாரத்தில் வலியுறுத்தப்பட்டது. நகரின் முக்கிய பகுதிகளில் இந்த பிரசாரம் நடைபெற்றது. நிர்வாகிகள் ஜி.செல்வராஜ், எம்.ஈஸ்வரன், டி.ராக்கியண்ணன், ஆறுமுகம் உள்ளிட்ட பலர் கலந்து கொண்டனர்.