பேருந்து மோதி மூதாட்டி சாவு

அவிநாசி அருகே சேவூரில் தனியார் பேருந்து மோதியதில் மூதாட்டி வெள்ளிக்கிழமை உயிரிழந்தார்.

  சேவூர்- புளியம்பட்டி சாலையில், சந்தைப்பாளையம் பிரிவு அருகே மூதாட்டி சாலையைக் கடக்க முன்றுள்ளார். அப்போது, புளியம்பட்டியில் இருந்து திருப்பூர் நோக்கி வந்த தனியார் பேருந்து மூதாட்டி மீது மோதியது. இதில் பலத்த காயமடைநத அவர் சம்பவயிடத்திலேயே உயிரிழந்தார். இறந்தவர் குறித்து விவரம் எதுவும் தெரியவில்லை.

சம்பவ இடத்துக்கு வந்த சேவூர் போலீஸார், மூதாட்டியின் உடலை கைப்பற்றி திருப்பூர் அரசு மருத்துவமனைக்கு பிரேதப் பரிசோதனைக்காக அனுப்பி வைத்தனர். இதுகுறித்து வழக்குப் பதிவு செய்து விசாரிக்கப்படுகிறது.