காற்றாலையில் தீ விபத்து

பல்லடம், துத்தாரிபாளையத்தில் உள்ள தனியார் நிறுவன காற்றாலையில் தீ விபத்து ஏற்பட்டது.
கரூரைச் சேர்ந்த ராமகிருஷ்ணன் பல்லடம் துத்தாரிபாளையத்தில் காற்றாலை நிறுவி மின் உற்பத்தி செய்து வருகிறார். 
இந்நிலையில்,  பல்லடம் பகுதியில் செவ்வாய்க்கிழமை வீசிய பலத்த காற்றால் ராமகிருஷ்ணின் காற்றாலைப் பண்ணையில் உள்ள ஒரு காற்றாலையில் திடீரென்று தீப்பிடித்து எரிந்தது. இது குறித்து தகவல் கிடைத்ததும் பல்லடம் தீயணைப்புப் படையினர் விரைந்து சென்று தீயை அணைத்தனர்.  
இது குறித்து பல்லடம் போலீஸார் வழக்குப் பதிவு செய்து விசாரணை மேற்கொண்டுள்ளனர்.