சாலைப் பாதுகாப்பு விழிப்புணர்வுப் பேரணி

திருப்பூர் ஓ.எம்.எஸ். மருத்துவமனை, ஸ்மார்ட் சிட்டி ரோட்டரி சங்கம் சார்பில் சாலைப் பாதுகாப்பு குறித்த விழிப்புணர்வு சைக்கிள் பேரணி ஞாயிற்றுக்கிழமை நடைபெற்றது.
சைக்கிள் பேரணியை எம்.எல்.ஏ. சு.குணசேகரன் துவக்கி வைத்தார்.  பள்ளி,  கல்லூரிகளைச் சேர்ந்த சுமார் 100 பேர் பங்கேற்ற இந்தப் பேரணி வீரபாண்டிப் பிரிவில் இருந்து புறப்பட்டு சந்தைப்பேட்டை, ஏ.பி.டி. சாலை,  ரயில் நிலையம் வழியாகச் சென்று ஊத்துக்குளி சாலை இரட்டைக்கண் பாலம் அருகில் உள்ள ஸ்மார்ட் சிட்டி ரோட்டரி சங்க அலுவலகப் பகுதியில் நிறைவடைந்தது. பேரணியில் எம்எல்ஏ சு.குணசேரகனும் சைக்கிள் ஓட்டி வந்தார். 
ஓ.எம்.எஸ். மருத்துவமனை நிறுவனர் ரவிச்சந்திரன், எலும்பு முறிவு நிபுணர் அருள்ஜோதி, ஸ்மார்ட் சிட்டி ரோட்டரி சங்கத் தலைவர் செந்தில்குமார், செயலளர் கிருஷ்ணமூர்த்தி, பொருளாளர் ராமலிங்கம் உள்ளிட்டோர் பங்கேற்றனர்.