மின் இணைப்புப் பெற இணையதளம் வாயிலாக விண்ணப்பிக்கலாம்

வெள்ளக்கோவில் பகுதியில் புதிய மின் இணைப்புப் பெற  இணையதளம் வாயிலாக விண்ணப்பிக்கலாம் எனத் தெரிவிக்கப்பட்டுள்ளது.
குடிசை,  விவசாயம் தவிர்த்த குறைந்த அழுத்த புதிய மின் இணைப்பு, கூடுதல் மின்பளு, மின்பளு குறைப்பு ஆகியவற்றுக்கு இணையதளம் மூலம் விண்ணப்பம் செய்யலாம். தொழில், வீடு, கடைகளுக்கு தற்காலிக மின் இணைப்புக் கேட்டு விண்ணப்பித்தால் கூட குறிப்பிட்ட நாள்களில் இணைப்பு கிடைக்கும். மின்கம்பங்கள் அருகில் இருந்தால் இது சாத்தியப்படுமென அதிகாரிகள் தெரிவித்தனர். w‌w‌w.‌t​a‌n‌g‌e‌d​c‌o.‌g‌o‌v.‌i‌n  என்கிற இணையதளத்தில் விண்ணப்பங்களைப் பூர்த்தி செய்து, தகுந்த துணை ஆவணங்களை சுய கையொப்ப ஒப்புதலுடன் பதிவேற்றம் செய்ய வேண்டும். மேலும் விவரங்களுக்கு மின் வாரிய அலுவலகத்தை அணுகுமாறு அறிவுறுத்தப்பட்டுள்ளது.