கிராம நிர்வாக அலுவலக உதவியாளர்கள் சங்கக் கூட்டம்

பல்லடத்தில் தமிழ்நாடு அரசு கிராம நிர்வாக அலுவலக உதவியாளர்கள் சங்க மாவட்ட செயற்குழுக் கூட்டம் புதன்கிழமை நடைபெற்றது. 
கூட்டத்துக்கு,  மாவட்ட தலைவர் ராஜேந்திரன் தலைமை வகித்தார். துணைத் தலைவர் ஏசையன், வட்ட செயலாளர் ஆண்ட்ரூஸ் ஆகியோர் முன்னிலை வகித்தனர்.  பல்லடம் வட்டத் தலைவர் செல்வகுமார் வரவேற்றார்.  இதில், மாநில துணைத் தலைவர் பழனிசாமி, மாவட்ட செயலாளர் ஈஸ்வரன் உள்ளிட்டோர் பேசினர். 
இக்கூட்டத்தில்,  அக்டோபர் 
6 ஆம் தேதி காங்கயத்தில் முப்பெரும் விழா நடத்துவது,  கிராம உதவியாளர்களை மாவட்ட, வட்ட நிர்வாக அலுவலகங்களில் மனித நேயத்துடன் நடத்த வேண்டும் என்பன உள்ளிட்ட தீர்மானங்கள் நிறைவேற்றப்பட்டன. பொருளாளர் சந்திரசேகரன் நன்றி கூறினார்.