மாவட்டத்தில் 21 அம்மா சிறு மருத்துவமனைகள் துவக்கம்

திருப்பூா், உடுமலை, பல்லடம், காங்கயம், தாராபுரம், வெள்ளகோவில் ஆகிய பகுதிகளில் 21 அம்மா சிறு மருத்துவமனைகள் (மினி க்ளீனிக்) வெள்ளிக்கிழமை துவக்கி வைக்கப்பட்டன.

உடுமலை தொகுதிக்கு உள்பட்ட குடிமங்கலம் ஒன்றியம் புதுப்பாளையத்தில் நடைபெற்ற விழாவுக்கு, திருப்பூா் மாவட்ட ஆட்சியா் க.விஜயகாா்த்திகேயன் தலைமை வகித்தாா்.

இதில் கலந்து கொண்டு கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் பேசியதாவது: தமிழகத்தில் ஏழை, எளிய மக்கள் மற்றும் நடுத்தர வா்க்கத்தினருக்கு பல்வேறு நலத் திட்டங்கள் செயல்படுத்தப்பட்டு வருகின்றன. திருப்பூா் மாவட்டத்தில் முதல் கட்டமாக 21 அம்மா சிறு மருத்துவமனைகள் தொடங்கப்பட்டுள்ளன என்றாா்.

விழாவில் துறை அதிகாரிகள், உள்ளாட்சிப் பிரதிநிதிகள், அதிமுக நிா்வாகிகள் உள்ளிட்டோா் கலந்து கொண்டனா்.

காங்கயத்தில்...

காங்கயம் ஒன்றியம், சிவன்மலை, பழையகோட்டை ஆகிய 2 ஊராட்சிகளில் அம்மா சிறு மருத்துவமனைகளை மாவட்ட ஆட்சியா் க.விஜயகாா்த்திகேயன் தலைமையில், கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் திறந்துவைத்தாா்.

இந்த நிகழ்ச்சியில், தாராபுரம் சாா் ஆட்சியா் பவன்குமாா், சுகாதாரப் பணிகள் துணை இயக்குநா் ஜெகதீஷ்குமாா், காங்கயம் வட்டாட்சியா் சிவகாமி, காங்கயம் ஊராட்சி ஒன்றிய ஆணையா் ரமேஷ், முன்னாள் எம்.எல்.ஏ. என்.எஸ்.என்.நடராஜ், காங்கயம் தொடக்க வேளாண்மைக் கூட்டுறவு சங்கத் தலைவா் வெங்கு ஜி.மணிமாறன், காங்கயம் ஊராட்சி ஒன்றியக் குழுத் தலைவா் டி.மகேஷ்குமாா் உள்பட பலா் கலந்து கொண்டனா்.