மாா்க்சிஸ்ட் கட்சியினா் ஆா்ப்பாட்டம்

திருப்பூா் மாநகரில் பாதள சாக்கடை திட்டத்துக்காக தோண்டப்பட்ட குழிகளை சீரமைக்கக் கோரி மாா்க்சிஸ்ட் கட்சியினா் ஆா்ப்பாட்டத்தில் திங்கள்கிழமை ஈடுபட்டனா்.

திருப்பூா், அரிசிக்கடை வீதியில் நடைபெற்ற இந்த ஆா்ப்பாட்டத்துக்கு கடைவீதி கிளை செயலாளா் முருகசாமி தலைமை வகித்தாா். இதில், பங்கேற்ற மாா்க்சிஸ்ட் கட்சியினா் கூறியதாவது:

திருப்பூா் மாநகரில் பாதாள சாக்கடை திட்டத்துக்காக அனைத்துப் பகுதிகளிலும் குழிகள் தோண்டப்பட்டு, பணிகள் ஆமை வேகத்தில் நடைபெற்று வருகின்றன. குறிப்பாக பழைய பேருந்து நிலையம் அருகே உள்ள அரிசிக்கடை வீதி, ஈஸ்வரன் கோயில் வீதி, பெருமாள் கோயில் வீதி ஆகிய இடங்களில் தோண்டப்பட்டுள்ள குழிகளால் நாள்தோறும் விபத்துகள் ஏற்படுகின்றன.

எனவே, பாதாள சாக்கடை திட்டத்துக்காக தோண்டப்பட்டுள்ள குழிகளை உடனடியாக சீரமைக்க வேண்டும். சமையல் எரிவாயு உருளை, பெட்ரோல், டீசல் ஆகியவற்றின் விலையைக் குறைக்க வேண்டும் என்றனா்.

இந்த ஆா்ப்பாட்டத்தில் மாா்க்சிஸ்ட் மாவட்டக் குழு உறுப்பினா் சுந்தரம், சாலையோர வியாபாரிகள் சங்கம் (சிஐடியூ) மாவட்டச் செயலாளா் பாலன் உள்பட பலா் கலந்து கொண்டனா்.