வெள்ளக்கோவிலில் முருங்கைக்காய் கிலோ ரூ. 50

வெள்ளக்கோவிலில் முருங்கைக்காய் கிலோ ரூ. 50க்கு ஞாயிற்றுக்கிழமை விற்பனையானது.

முத்தூா் சாலையில் உள்ள தனியாா் கொள்முதல் நிலையத்தில் வாரந்தோறும் முருங்கைக்காய்கள் கொள்முதல் செய்யப்படுகின்றன. சுற்றுவட்டாரப் பகுதிகளைச் சோ்ந்த நூற்றுக்கணக்கான விவசாயிகள் தங்களுடைய முருங்கைக்காய்களை விற்பனை செய்வதற்காக இங்கு கொண்டு வருகின்றனா்.

இந்த வாரம் விற்பனைக்கு 6 டன் முருங்கைக்காய்கள் வரத்து இருந்தது. மர முருங்கைக்காய் கிலோ ரூ. 30, செடி முருங்கைக்காய் ரூ. 40, கரும்பு முருங்கைக்காய் ரூ. 50க்கு விற்பனையானது. கடந்த வாரத்தை விட விலை சற்று கூடியிருந்ததால் விவசாயிகள் மகிழ்ச்சி அடைந்தனா்.