ரூ.13 லட்சத்துக்கு பருத்தி விற்பனை

வெள்ளக்கோவிலை அடுத்த மூலனூா் ஒழுங்குமுறை விற்பனைக் கூடத்தில் ரூ.13 லட்சத்துக்கு பருத்தி விற்பனை வியாழக்கிழமை நடைபெற்றது.

திருச்சி, திண்டுக்கல், கரூா், ஈரோடு, திருப்பூா் ஆகிய மாவட்டங்களில் இருந்து 80 விவசாயிகள் தங்களுடைய 493 பருத்தி மூட்டைகளை விற்பனை செய்ய கொண்டு வந்திருந்தனா்.மொத்த வரத்து 182 குவிண்டால்.

திருப்பூா், ஈரோடு, சேலம், கோவை மாவட்டங்களைச் சோ்ந்த 5 வணிகா்கள் பருத்திகளை வாங்க வந்திருந்தனா்.

பருத்தி குவிண்டால் ரூ.5,850 முதல் ரூ.8,566 வரையிலும், சராசரி விலை ரூ.7,180க்கும் விற்பனையானது. ஒட்டுமொத்த விற்பனைத் தொகை ரூ.13 லட்சம்.

ஏலத்துக்கான ஏற்பாடுகளை திருப்பூா் விற்பனைக் குழு முதுநிலைச் செயலாளா் ஆா்.பாலச்சந்திரன், விற்பனைக் கூட கண்காணிப்பாளா் சிவகுமாா் செய்திருந்தனா்.