பாரதியாா் பல்கலைக்கழக கல்லூரிகளுக்கு இடையேயான ஹாக்கிப் போட்டி

பாரதியாா் பலைகலைக்கழக கல்லூரிகளுக்கு இடையேயான ஹாக்கிப் போட்டிகள் உடுமலை நேதாஜி மைதானத்தில் வெள்ளிக்கிழமை துவங்கியது. இதில் 10க்கும் மேற்பட்ட அணிகள் பங்கேற்றுள்ளன. நாக் அவுட் மற்றும் லீக் முறையில் இப்போட்டிகள் நடக்கின்றன. வெள்ளிக்கிழமை காலை நடந்த முதல் ஆட்டத்தில் கோவை சிஎம்எஸ் கல்லூரியும்,

கோவை சுகுணா கல்லூரி அணியும் மோதின.இதில் 2-1 என்ற கோல் கணக்கில் சிஎம்எஸ் கல்லூரி வெற்றிபெற்றது.

இதன் பின்னா் திருப்பூா் சிஜிடி கல்லூரியும், உதகை அரசு கல்லூரியும் மோதின. இதில் 3-0 என்ற கோல் கணக்கில் திருப்பூா் சிஜிடி கல்லூரி வெற்றிபெற்றது.

இதைத் தொடா்ந்து கோவை டாக்டா் என்ஜிபி கல்லூரியும், கோவை பாரதியாா் பல்கலைக்கழக அணியும் ஆடின. இதில் டாக்டா் என்ஜிபி கல்லூரி அணி 5-0 என்ற கோல் கணக்கில் வென்றது. அடுத்ததாக கோவை பிஎஸ்ஜி கல்லூரி அணியும், ஈரோடு கலை அறிவியல் கல்லூரியும் ஆடின. இதில் 6-0 என்ற கோல் கணக்கில் கோவை பிஎஸ்ஜி கல்லூரி வென்றது.

மேலும் உடுமலை வித்யாசாகா் கல்லூரி அணியும், கோவை சிஎம்எஸ் அணியும் ஆடின. இதில் 3-0 என்ற கோல் கணக்கில் உடுமலை வித்யாசாகா் கல்லூரி அணி வெற்றிபெற்றது.

இதைத்தொடா்ந்து திருப்பூா் சிக்கண்ணா கல்லூரியும் அணியும், மேட்டுப்பாளையம் அரசு கல்லூரியும் ஆடின. இதில் 4-0 என்ற கோல் கணக்கில் திருப்பூா் சிக்கண்ணா கல்லூரி அணி வெற்றிபெற்றது.

இதன் பின்னா் நடந்த காலிறுதி ஆட்டத்தில் கோவை பிஎஸ்ஜி கல்லூரியும், உடுமலை வித்யாசாகா் கல்லூரியும் மோதியதில் கோவை பிஎஸ்ஜி கல்லூரி 5-0 என்ற கோல் கணக்கில் வென்றது. இதன் பின்னா் கோவை என்ஜிபி கல்லூரியும், திருப்பூா் சிக்கண்ணா கல்லூரியும் மோதின.

இதில் 4-0 என்ற கோல் கணக்கில் கோவை என்ஜிபி கல்லூரி வெற்றிபெற்றது.

இந்நிலையில் அரை இறுதிப் போட்டிகளுக்கு கோவை பிஎஸ்ஜி கல்லூரி, டாக்டா் என்ஜிபி கல்லூரி, உடுமலை வித்யாசாகா் கல்லூரி,

திருப்பூா் சிக்கண்ணா கல்லூரி ஆகிய 4 அணிகள் இடம் பெற்றுள்ளன.

சனிக்கிழமை அரை இறுதிப் போட்டிகள் லீக் முறையில் நடைபெற உள்ளன. உடுமலை வித்யாசாகா் கலைக் கல்லூரி இப்போட்டிக்கான ஏற்பாடுகளை செய்து வருகிறது.