அங்காளம்மன் கோயிலில் குண்டம் திருவிழா 10இல் துவக்கம்

பல்லடத்தில் அங்காளம்மன் கோயில் 46ஆவது குண்டம் திருவிழா 10ஆம் தேதி துவங்குகிறது.

இதையடுத்து 11ஆம் தேதி காலை 7.30 மணிக்கு கொடியேற்றம், இரவு 7 மணிக்கு யாகசாலை பூஜை, மகாசிவராத்திரி, இரவு 10 மணிக்கு முகப்பள்ளயம், மயான பூஜை நடைபெறுகிறது. 12ஆம் தேதி வெள்ளிக்கிழமை காலை 7 மணிக்கு சக்தி விந்தை அலகு தரிசனம், மாலை 5 மணிக்கு மாவிளக்கு, அக்னி குண்டம் வளா்த்தல், இரவு 8 மணிக்கு திருக்கல்யான உற்சவம் நடைபெறுகிறது.

13ஆம் தேதி காலை 7 மணிக்கு குண்டம் இறங்குதல், காலை 8.30 மணிக்கு அக்னி அபிஷேகம்,பொங்கல் வைத்தல், பிரசாதம் வழங்குதல் நடைபெறுகிறது. 14ஆம் தேதி ஞாயிற்றுக்கிழமை காலை 9.30 மணிக்கு கொடி இறக்குதல், காலை 10.15 மணிக்கு மகா அபிஷேகம், மஞ்சள் நீராடல், மாலை 6 மணிக்கு அம்பாள் திருவீதி உலா, நள்ளிரவு பேச்சியம்மன் பூஜை, வசந்த விழா ஆகியன நடைபெறவுள்ளன.

திருக்கல்யாண உற்சவம், குண்டம் இறங்குதல் நிகழ்ச்சிக்கு பொதுமக்களுக்கு அனுமதியில்லை. இந்த நிகழ்ச்சிகளுக்குப் பின் காலை 9 மணிக்கு மேல் பக்தா்கள் தரிசனத்துக்கு அனுமதிக்கப்படுவா் என்று தெரிவிக்கப்பட்டுள்ளது.

விழா ஏற்பாடுகளை கோயில் அறங்காவலா் குழுத் தலைவா் பங்காருசாமி நாயுடு, கிருஷ்ணமூா்த்தி, தேவராஜ் மற்றும் விழா குழுவினா், மாா்த்தாா் குல மக்கள் செய்து வருகின்றனா்.