காங்கயம் அரசு அலுவலகங்களில் முகக்கவசம் அணிவது கட்டாயம்

காங்கயத்தில் உள்ள அரசு அலுவலகங்களில் பொதுமக்கள் மற்றும் ஊழியா்கள் உள்ளே நுழைவதற்கு முகக்கவசம் அணிவது கட்டாயமாக்கப்பட்டுள்ளது.

காங்கயத்தில் உள்ள நகராட்சி அலுவலகம், ஊராட்சி ஒன்றிய அலுவலகம் உள்ளிட்ட அலுவலகங்களில் முகக் கவசம் அணியாமல் பொதுமக்கள் உள்ளே நுழைவதற்கு அனுமதி மறுக்கப்பட்டுள்ளது.

காங்கயம் நகராட்சி அலுவலகத்தில், முகக்கவசம் அணிவதோடு, கிருமி நாசினி கொண்டு கைகளை சுத்தம் செய்து, வெப்பமானி கொண்டு சோதனை செய்த பின்னரே பொதுமக்களை அலுவலகத்துக்குள் அனுமதிக்கின்றனா்.

கரோனா தொற்று தற்போது தீவிரமாகப் பரவி வரும் நிலையில், பொதுமக்கள் அதிகம் சென்று அரசு அலுவலகங்களில், கட்டுப்பாடுகளை அதிகரிக்க வேண்டும் என காங்கயம் பகுதி மக்கள் கோரிக்கை விடுத்துள்ளனா்.