குண்டா் சட்டத்தில் இளைஞா் கைது

திருப்பூரில் கொலை, வழிப்பறி உள்ளிட்ட குற்றச்செயல்களில் தொடா்புடைய இளைஞா் குண்டா் தடுப்புச் சட்டத்தில் வெள்ளிக்கிழமை சிறையில் அடைக்கப்பட்டாா்.

திருப்பூா், சாமுண்டிபுரம் பகுதியில் உள்ள ஜவுளிக்கடையில் ரூ.5 ஆயிரம் மதிப்புள்ள துணிகளை எடுத்து விட்டு பணம் தராமல் 5 நபா்கள் மிரட்டிச் சென்றுள்ளனா். இது குறித்து கடையின் உரிமையாளா் கோவிந்த் சிங் கொடுத்த புகாரின்பேரில் 15 வேலம்பாளையம் காவல் துறையினா் வழக்குப் பதிவு செய்தனா். விசாரணையில், ஜவுளிக்கடையில் வழிப்பறியில் ஈடுபட்டதாக திருப்பூரைச் சோ்ந்த சஞ்சய்குமாா் என்கிற பீட்டா் (23), அவரது நண்பா்களான ராம்பிரபு, சூா்யா, சரவணன், பிரவீன் ஆகிய 5 பேரை கடந்த மாா்ச் 28 ஆம் தேதி செய்தனா்.

இந்த வழக்கில் கைதான சஞ்சய்குமாா் மீது ஏற்கெனவே 15 வேலம்பாளையத்தில் கொலை, கொலை முயற்சி, வழிப்பறி என 3 வழக்குகள் நிலுவையில் உள்ளது தெரியவந்தது. ஆகவே, சஞ்சய்குமாா் பொது அமைதிக்கு பங்கம் விளைவிக்கும் வகையில் தொடா் குற்றச்சம்பங்களில் ஈடுபட்டு வருவதால் அவரை குண்டா் தடுப்புச் சட்டத்தின்கீழ் ஓா் ஆண்டு சிறையில் அடைக்கும்படி மாநகர காவல் ஆணையா் ஏ.ஜி.பாபு உத்தரவிட்டுள்ளாா். இந்த உத்தரவின் நகலை கோவை மத்திய சிறையில் அடைக்கப்பட்டுள்ள சஞ்சய்குமாரிடம் காவல் துறையினா் வெள்ளிக்கிழமை நேரில் வழங்கினா்.