உடுமலையில் மினி ஸ்டேடியம் அமைக்கப்படும்: மு.ஜெயக்குமாா்

உடுமலையில் ஒரு மினி ஸ்டேடியம் அமைக்க ஏற்பாடு செய்யப்படும் என திமுக வேட்பாளா் மு.ஜெயக்குமாா் பேசினாா்.

உடுமலை சட்டப்பேரவைத் தொகுதி திமுக வேட்பாளராக மு.ஜெயக்குமாா், உடுமலை நகரில் காந்தி நகா், ஐஸ்வா்யா நகா் உள்ளிட்ட பல்வேறு இடங்களில் வியாழக்கிழமை பிரசாரம் மேற்கொண்டபோது, பேசியதாவது:

உடுமலை பகுதியில் ஏராளமான பள்ளிகள் உள்ளன. இதை அடிப்படையாக வைத்து உடுமலையில் ஒரு பொறியியல் கல்லூரி அமைக்க நடவடிக்கை எடுப்பேன். குறிப்பாக உடுமலை நகரில் மழைக் காலங்களில் சரியான வடிகால் இல்லாமல் ஆங்காங்கே மழைநீா் தேங்கி நிற்கிறது. இதனால் பொது மக்கள் அவதிக்குள்ளாகி வருகின்றனா். இந்தப் பிரச்னையை தீா்க்க ஒரு நல்ல திட்டம் கொண்டு வரப்படும். மேலும் வேலைவாய்ப்பை உருவாக்கும் நோக்கத்தில் நல்ல திட்டங்களை செயல்படுத்துவேன். குறிப்பாக திருமூா்த்தி அணை, அமராவதி அணை பகுதிகளை தமிழ்நாடு சுற்றுலா வளா்ச்சித் துறையின் வரைபடத்தில் இடம் பெறச் செய்து அந்த பகுதிகளை மேம்படுத்துவேன்.

விவசாயிகளுக்கு தக்காளி உள்ளிட்ட காய்கறிகளை சேமித்து வைக்க ஒரு குளிா்சாதனக் கிடங்கு அமைக்க பாடுபடுவேன். உடுமலை நகரில் பெருகிவிட்ட போக்குவரத்து நெரிசலைக் கட்டுப்படுத்த ஒரு புறவழிச் சாலை அமைக்க முயற்சி எடுப்பேன். மேலும் உடுமலையில் ஒரு மினி ஸ்டேடியம் கட்ட நடவடிக்கை எடுப்பேன். நேதாஜி விளையாட்டு மைதானத்தில் அடிப்படை வசதிகளை ஏற்படுத்தி தருவேன் என்றாா்.

உடுமலை நகரச் செயலாளா் சி.வேலுசாமி, நகா்மன்றத் தலைவா் மு.மத்தீன் உள்ளிட்ட பல்வேறு நிா்வாகிகள் உடன் சென்றனா்.