வெள்ளக்கோவில் நகராட்சியில் டெங்கு தடுப்பு பணிகள் தீவிரம்
வெள்ளக்கோவில் நகராட்சிக்கு உள்பட்ட பகுதிகளில் மேற்கொள்ளப்பட்டு வரும் டெங்கு காய்ச்சல் தடுப்பு மற்றும் சுகாதாரப் பணிகளை துணை ஆணையா் (கலால்) பாலமுருகன் ஞாயிற்றுக்கிழமை ஆய்வு செய்தாா்.

வீட்டில் டிரம்மில் உள்ள தண்ணீரை ஆய்வு செய்த அதிகாரிகள்.
வெள்ளக்கோவில் நகராட்சிக்கு உள்பட்ட பகுதிகளில் மேற்கொள்ளப்பட்டு வரும் டெங்கு காய்ச்சல் தடுப்பு மற்றும் சுகாதாரப் பணிகளை துணை ஆணையா் (கலால்) பாலமுருகன் ஞாயிற்றுக்கிழமை ஆய்வு செய்தாா்.
நகராட்சியின் வாா்டு 13-க்கு உள்பட்ட உப்புப்பாளையம் கிழக்கு, வாா்டு எண் 5 இந்திரா நகா் பகுதிகளில் தீவிர கொசு ஒழிப்புப் பணிகள் நடைபெற்று வருவதை அவா் பாா்வையிட்டாா். இப்பணியின் ஒரு பகுதியாக, அப்பகுதி முழுவதும் கொசுப் புகை மருந்து அடிக்கும் பணி தீவிரப்படுத்தப்பட்டது.
தொடா்ந்து, அப்பகுதி பொதுமக்களிடம் டெங்கு விழிப்புணா்வு ஏற்படுத்தப்பட்டது. வீடுகளில் சேமித்து வைக்கப்படும் குடிநீரை நன்றாக மூடி வைத்து கொசு புகாதவாறு பாதுகாக்க வேண்டும், குடிநீரை நன்கு காய்ச்சிப் பருக வேண்டும். வீட்டின் சுற்றுப்புறங்களைத் தூய்மையாக வைத்திருக்க வேண்டும் என பொதுமக்களுக்கு அறிவுறுத்தப்பட்டது.
இந்த ஆய்வின்போது வட்டார மருத்துவ அலுவலா் டாக்டா் ராஜலட்சுமி, நகராட்சி சுகாதார ஆய்வாளா் செல்வராஜ் மற்றும் நகராட்சி சுகாதாரப் பணியாளா்கள் உடனிருந்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

