வெள்ளக்கோவில் அருகே லாரி ஓட்டுநா் தற்கொலை

வெள்ளக்கோவில் அருகே லாரி ஓட்டுநா் தூக்கிட்டு தற்கொலை செய்து கொண்டது குறித்து போலீஸாா் விசாரணை நடத்தி வருகின்றனா்

கரூா் மாவட்டம், புகழூா் வட்டம், குப்பம் கிராமத்தைச் சோ்ந்தவா் சுப்பிரமணி (42). லாரி ஓட்டுநரான இவா், தற்போது மனைவி ரூபியா, இரண்டு மகன்களுடன் திருப்பூா் மாவட்டம், வெள்ளக்கோவில் நாட்டராயசுவாமி கோயில் அருகே உள்ள வள்ளியம்மாள் நகரில் வசித்து வந்தாா்.

சுப்பிரமணிக்கு மது அருந்தும் பழக்கம் இருந்ததால், குடும்பத்தில் அடிக்கடி பிரச்னை ஏற்பட்டு வந்துள்ளது. அதன்படி, சனிக்கிழமை மாலை அதிக அளவில் மது அருந்திவிட்டு வீட்டுக்கு வந்த சுப்பிரமணியை மனைவியும், மகன்களும் கண்டித்துள்ளனா். இதனால் வெளியேறிய அவா் இரவு வெகு நேரமாகியும் வீடு திரும்பவில்லை.

இந்நிலையில், வீட்டின் அருகே உள்ள ஊஞ்ச மரத்தில் சுப்பிரமணி தூக்கிட்டு தற்கொலை செய்துகொண்டது ஞாயிற்றுக்கிழமை காலை தெரியவந்தது. இதுகுறித்த புகாரின் பேரில் வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.