செய்தி மடல்
இ-பேப்பர்
பல்லடம் அருகே 35 பன்றிகளைத் திருடிய 2 பேரை போலீஸாா் ஞாயிற்றுக்கிழமை கைது செய்தனா்.
பல்லடம் அருகேயுள்ள கோடங்கிபாளையம் பகுதியைச் சோ்ந்தவா் கலாமணி. இவா் ரூ.10 லட்சம் மதிப்பிலான 35 பன்றிகளை வளா்த்து வந்துள்ளாா். இந்நிலையில், அந்தப் பன்றிகளை மா்ம நபா்கள் கடந்த 18-ஆம் தேதி திருடிச் சென்றுள்ளனா். இது குறித்து பல்லடம் காவல் நிலையத்தில் கலாமணி புகாா் அளித்தாா்.
வழக்குப் பதிவு செய்த போலீஸாா், அப்பகுதியில் உள்ள கண்காணிப்பு கேமரா பதிவுகளைக் கைப்பற்றி ஆய்வு செய்து வந்தனா். இந்நிலையில், அவிநாசி, சிந்தாமணி பேருந்து நிறுத்தம் அருகே சந்தேகத்துக்கு இடமளிக்கும் வகையில் நின்று கொண்டிருந்த 2 பேரிடம் போலீஸாா் விசாரணை நடத்தினா்.
இதில், அவா்கள் அவிநாசி, சீனிவாசபுரம் பகுதியைச் சோ்ந்த மணிகண்டன் (36), ஈரோடு மாவட்டம், விஜயமங்கலம் கோவில்பாளையம் எம்.ஜி.ஆா்.நகரைச் சோ்ந்த பொன்னா் சங்கா் (28) என்பதும், கோடங்கிபாளையத்தில் பன்றிகளைத் திருடியதும் தெரியவந்தது.
இதையடுத்து, இருவரையும் கைது செய்த போலீஸாா், அவா்களிடமிருந்த 35 பன்றிகள், கடத்தலுக்குப் பயன்படுத்தப்பட்ட சரக்கு வாகனம் ஆகியவற்றைப் பறிமுதல் செய்தனா்.
மணிகண்டன் மீது பெருந்துறை காவல் நிலையத்தில் பன்றி திருட்டு வழக்கும், கருமத்தம்பட்டி காவல் நிலையத்தில் சங்கிலி பறிப்பு வழக்கும், பொன்னா்சங்கா் மீது அவிநாசி காவல் நிலையத்தில் கொலை வழக்கும் உள்ளது என்று போலீஸாா் தெரிவித்தனா்.
சங்கர்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.