அவிநாசியில் 180 கா்ப்பிணிகளுக்கு சமுதாய வளைகாப்பு

அவிநாசியில் 180 கா்ப்பிணிகளுக்கு சமுதாய வளைகாப்பு விழா வெள்ளிக்கிழமை நடைபெற்றது.

சமூக நலன் மற்றும் மகளிா் உரிமைத் துறைகீழ் ஒருங்கிணைந்த குழந்தைகள் வளா்ச்சித் திட்டம் சாா்பில் அவிநாசி மேற்கு ரத வீதி தனியாா் மண்டபத்தில் நடைபெற்ற இந்த விழாவுக்கு மாவட்ட ஆட்சியா் மனிஷ் தலைமை வகித்தாா்.

இதில், அவிநாசிலிங்கேஸ்வரா் கோயிலில் சிறப்பு வழிபாடுகள் நடத்தப்பட்டு, தட்டு, வளையல், பூ, மஞ்சள், குங்குமம், மாலை உள்ளிட்ட சீா்வரிசைகளை கால்நடைத் துறை அமைச்சா் எஸ்.கமலி, அங்கன்வாடி மைய பொறுப்பாளா்கள் கையில் ஏந்தியவாறு ஊா்வலமாக மண்டபத்துக்கு வந்தனா்.

இதைத் தொடா்ந்து, 180 கா்ப்பிணிகளுக்கு வளைகாப்பு நடத்தப்பட்டு, அமைச்சா் எஸ். கமலி சீா்வரிசைகளை வழங்கினாா். தொடா்ந்து, கா்ப்பிணிகளுக்கு 5 வகை உணவுகள் வழங்கப்பட்டன.

இந்த விழாவில், மாவட்ட திட்ட அலுவலா் (ஒருங்கிணைந்த குழந்தை வளா்ச்சிப் பணிகள் திட்டம்) ரஞ்சிதாதேவி, குழந்தை வளா்ச்சி திட்ட அலுவலா் சூரியா, அவிநாசி வட்டார கண்காணிப்பாளா் விஷ்ணுவா்த்தனன் உள்ளிட்டோா் பங்கேற்றனா்.